من أكثر الأشياء اللي بتضايقني شخصياً هي تقصف الشعر و بما أني عم بسحب لون شعري كل شهر لأن بدي أوصل للبلاتين فشعري صار حدث ولا حرج يعني باختصار دمار شامل لكن الحمد لله بعرف كيف أعالجه و الموضوع بده صبر لكن النتيجة مضمونة فحبيت استغل الفرصة و أخبركم يا بنات عن الأشياء اللي رح استخدمها عشان أرجع شعري مثل ما كان
أولاً: قص الشعر لا بد منه و أنا بحكي عن الأطراف بس كل شهر بطرف شعري عشان أخفف من شكل التقصف و يكون شكله صحي أكثر
ثانياً: العلاجات المنزلية و اللي مكوناتها متوفره عند الكل وبالمطبخ يعني في متناول الجميع يا بنات و هاي المكونات بتساعد على اعادة مظهر الشعر الصحي الحيوي، يصحح من مظهر التقصف و ترطب الشعر وقبل ما أبتدي حابه أركز على نقطة أن كل العلاجات بدها استمرارررررررر
١- زين اللوز الحلو
غني بفيتامين E لعلاج الشعر الجاف المتضرر و بنفس الوقت بيعمل على ترطيب الشعر
السيروم:
امزجي ٤ معالق طعام مع ٤ نقاط من زيت الجيرانيوم و ٤ نقاط من زيت اللافندر و ٤ نقاط من زيت خشب الصندل و استخدمي بعد كل حمام من ٤ ل ٧ نقاط من هيدا الخليط مثل السيروم على الشعر المبلول
تنوية:
كل الزيوت متوفرة بموقع iherb
٢- العسل و زيت الزيتون
العسل بيحفظ الرطوبة بالشعر و زيت الزيتون بيساعد على ترطيب الشعر الجاف و المتضرر و المتقصف
الماسك:
أمزجي ١ م ط من العسل مع ٢ م ص من زيت الزيتون العضوي و سخني المزيج بس مو كثير يعني لدرجة بس تقدري تحطيه على الشعر وبعدين بللي شعرك و حطي المزيج على أطراف الشعر المتضررة و المتقصفة و خليه لمدة ساعة على الشعر و من بعدها أغسليه
٣- زيت جوز الهند
بنات صدقوني أي حد يسألني عن الشعر أول اجابه دايماً بتكون زيت جوز الهند لأنه أكثر من رائع و فينا نستخدمه لكل مشاكل الشعر من ترققه لتقصفه
الماسك:
ضعي كمية مناسبة لشعرك من الجذور للأطراف و خليه على الأقل لمدة نص ساعة و بعدين أتحممي و بنصح تكرري هيدا المساك بالتناوب مع ماسك العسل
٤- الأفوكادو
بيعيد الحيوية للشعر و بيرطبه و بنفس الوقت بيساعد بحالة تقصف الشعر و تضرره من الصبغات ومن سحب اللون
الماسك:
امزجي حبة أفوكادو فرش مع ١ م ك من زيت جوز الهند العضوي و ٢ نقاط من زيت اللافندر و ضعيه على الشعر من الجذور حتى الأطراف على شعر جاف و خليه على الشعر لمدة لا تقل عن نص ساعة و كرري الماسك بالتناوب مع الماسكات السابقة
٥- المايونيز
ما تخافوا يا بنات بس عن جد المايونيز رائع لأنه بيحتوي على البيض و البيض بحد ذاته بروتين يعني أكثر من روعة للشعر و بتجينن نتيجته
الطريقة:
حطي كمية مناسبه من المايونيز على شعر جاف من الجذور للأطراف و أتركيه على الأقل لمدة نص ساعة قبل ما تتحممي
ما تنسووا تتابعوا قناتي على اليوتيوب
https://www.youtube.com/user/maithaabduljalil
وحساب وصفات الجمال على الانستغرام
maitha_abduljalil
وحساب وصفات الطبخ على الانستغرام
maitha_cooks
والسناب جات
Maitha abduljali
أختكم ميثاء عبدالجليل
#الشعر #شعر #الشعرالجاف #الشعرالمتضرر #سحباللون #سحبلونالشعر #الشعرالمحروق #زيتالزيتون #العسل #ماسك #سيروم #طبيعي #زيتاللوزالحلو #الأفوكادو #الماسك #المايونيز #زيتجوزالهند #الشعرالباهت #تطويلالشعر #الزيوتالطبيعية #ترطيبالشعر #رطوبةالشعر #ترميمالشعر #وصفاتمنزلية #وصفةمضمونةلتفصفالشعر #وصفاتبمكوناتطبيعية #ماسكاتللشعرطبيعية #أفضلالوصفاتلتقصفالشعر #علاجالشعر #كيفية #كيف #علاج #التخلص #تقصفالشعر