• ميثـاء عبد الجليل

رح تستغربوا لما تعرفوا اكثر المواد الطبيعية اللي عن جد بتفيد الشعر


طبعاً كلنا و حتى انا ما بستغني عن الشامبو، البلسم، و الماسكات المعروفة او اللي بعملها من مكونات طبيعية مثل اللي بتشوفوني بعملها على حسابي بالإنستغرم: maitha_abduljalil

.

لكن في مكونات طبيعية لها فايدة اكثر عن غيرها و اليوم رح خبركم عن اهم ٩ مكونات طبيعية للشعر جاهزين !!!

.

الطحالب

اي يا بنات الطحالب حسب اخر دراسات اثبتت ان لها القدرة على التحكم بنسبة الدهون اللي بتفرزها الفروة، لهيك هي مناسبة جداً للصبايا اللي شعرن دهني

فيكي تجيبي طحالب مجففة نفس تبع السوشي و تعملي منه ماسك للشعر او تخلطيه مع الشامبو تبعك

.

أكليل الجبل

فيكي تجيبي زيت اكليل الجبل اذا بتعاني من تساقط الشعر و تضيفه منه كم نقطة على الشامبو تبعك أو البلسم أو الإثنين ، تخيلوا اكتشفوا انه بيشتغل نفس الميونوكسيديل لكن من دون آثاره السلبية

.

الفحم و الطين

طبعاً معروف في المغرب العربي اديش الطين مهم للشعر لكن تخيلوا لو ضيفتوا على الطين الفحم، و بنصح فيهم للبنات اللي شعرن كيرلي و بدهم شكل الكيرل تبعن يكون مرتب و مصفصف و فيكي تستخدمي خليط المكونين على الشعر كماسك

.

العسل

من أهم المكونات اللي بتعمل على ترطيب الشعر و بتحسن من مظهر الشعر المتضرر، فيكي تخففي عسل مع ماء دافي وترشيه على الشعر قبل الحمام بنص ساعة

.

التابيوكا

بتحتوي على النشا و اللي يعتبر مثالي للشعر الدهني لانه بيعمل على امتصاص الدهون من الشعر، فيكي تطحني التابيوكا و تستخدميه مثل الدراي أو الشامبو الجاف

.

زيت جوز الهند

يعتبر من أهم الزيوت للشعر لأنه بيعطي لمعه و بيغذي الشعر و من أفضل الزيوت اللي بيقدر الشعر انه يستقبلها فبيخلي الشعر قوي و صحي طبعاً فيكي تستخدميه لحاله كماسك او تستخدميه مع مكونات ثانية كماسك

.

زيت التامنو

بالنسبة لمواطني تاهيتي يعتبر هيدا الزيت هدية من الطبيعة مقدسة و بيعتقدوا ان في آلهه بهيدي الشجرة و هي اللي بتعطي هيدا الشجرة خواصة المفيدة للبشرة، للشعر، و للجسم مثل التخلص من الجفاف، التخلص من البثور، يستخدم لمرضى الأكزيما و الصدفية أما بالنسبة للشعر فهو بيحمي الشعر من الأشعة الضارةفيكي تخفيفه بشوي زيت جوجوبا و تحطيه بزجاجة رش لترشيه عالشعر قبل ما تتعرضي للشمس

.

زيت الأفوكادو

هيدا الزيت غني بالفيتامينات ممكن تستخدمي منه كم نقطة بعد الحممام على طول الشعر لترطيبة و تمليسه لهيك هو مناسب للشعر الجاف، المتضرر أو المحروق

.

زيت الزيتون

تركيبة زيت الزيتون قريبة من الزيوت اللي الشعر بيفرزها فهو بيعوض الشعر الجاف عن الدهون الناقصة لهيك بنصح فيه كماسك للصبايا اللي بيعانوا من جفاف أو تلف الشعر

أتمنى موضوعي اليوم عجبكم حبيباتي

أختكم ميثاء عبدالجليل

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maithaabduljali

#maithaabduljalil #maithaabduljalil #haircare #dryhair #oilyhair #friedhair #damagedhair #ميثاءعبدالجليل #ميثاءعبدالجليل #العنايةبالشعر #للشعر #الطحالب #فوائد #أكليلالجبل #الفحموالطين #العسل #التابيوكا #زيتجوزالهند #زيتالتامنو #زيتالأفوكادو #زيتالزيتون

1382 مشاهدة