• ميثاء عبدالجليل

شو هي اسباب الشعر الدهني وكيف تتعاملي معه؟ مع وصفات مجربة


اليوم يا بنات رح أحكي معكم عن مشكلة كثير من البنات بيسألوني عنها و هي الشعر الدهني؟ في بنات شعرن دهني بزيادة لدرجة ان بنفس اليوم بيضروا انهم يحمموا شعرن مرتين باليوم!

مثل ما في غدد مسؤولة عن افراز الدهون بالبشرة فكمان في غدد بفروة الراس وعلى فكرة هاي الغدد موجودة بالجسم كله، و في كثير من العوامل اللي بيخلي هالغدد تفرز كمية كبيرة من الدهون و بالرغم ان في بعض من هالعوامل خارجة عن إرادتنا الا في عوامل ثانية ممكن نتحكم فيها و اللي رح تساعدك بالتحكم في نسبة الدهون بالشعر و بالتالي شعر دهني أقل

العوامل اللي بتأثر في نسبة الدهون بالشعر

الوراثة

لو عايشة في مكان نسبة الرطوبة فيه عالية الشعر رح يدهن أسرع

الهرمونات بوجه خاص بعمر البلوغ، أثناء الحمل، أثناء الدورة الشهرية

حبوب منع الحمل و اللي بتأثر على نسبة الهرمونات و بالتالي بتأثر على نسبة افراز الدهون

غسل الشعر المتكرر بيخلي الشعر يفرز دهون أكثر

استخدام شامبو ثقيل على شعرك أو لا يناسب نوع شعرك

نصائح للشعر الدهني

١- حاولي تسرحي شعرك مرة وحدة باليوم فقط لأن تسريح الشعر بيوزع الدهون على كل الشعر

٢- تفادي غسل الشعر إلا وقت الحاجة

٣- استخدمي شامبو خالي من الدهون

٤- استخدمي خل التفاخ، خففي ٣ م ط من الخل بكوب ماء و رشيه فقط على الفروة و خليه مدة نص ساعة بعدين اغسلي شعرك

٥- عند استخدام البلسم أو كريمات الشعر حطيه فقط على أطراف الشعر و تفادي الفروة

٦- استبدلي الشامبو بصودا الخبز أو البيكن بودر و الطريقة سهلة أخلطي ٣ م ط من البيكن بودر مع ماء لصنع عجينة توضع على الشعر الرطب و تترك ٥ دقائق مع عمل مساج للشعر و بهيك تكوني غسلتي شعرك

٧- جيبي كوب من شامبو خاص للشعر الدهني و خففيه بكوب من الماء و أطحني ٩ حبات من حبوب الأسبرين و ضيفيهم على الشامبو و بهيك يكون عندك شامبو رائع و جربي بنفسك ورح تدعيلي

أتمنى موضوعي اليوم عجبكم حبيباتي

أختكم ميثاء عبدالجليل

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maithaabduljali

#العنايةبالشعر #الشعرالدهني #فروةالرأس #الدهنية #دهونفروةالرأس #الشعرالرقيق #تساقطالشعر #وصفاتمجربة #وصفاتمنزلية #ميثاءعبدالجليل #شامبوطبيعي #البيكنبودر #خلالتفاح #للعشر #الأسبرينللشعر