• ميثاء عبدالجليل

كيف تسوي عطر في البيت بخطوات بسيطة


ليش تصرفي مصاري كتير على العطور و أنتي فيكي تعملي عطرك المفضل أو تخترعي عطر جديد ليكي بالبيت من مكونات بسيطة و اليوم رح أشرحلك كل شي أنتي بحاجة تعرفيه ياللا جاهزين!!!

الأدوات

الكحول الخاص بالعطور فيكي تشتريه من أجمل للعطور أو تجيبي الكحول نسبة ٩٤٪ من الصيدلية

زيت أساسي بس يكون صافي مثل الفانيلا أو غيرها من الروائح المفضلة عندك

ماء معدني

جليسرين سائل متوفر بالصيدليات

زجاجة فاضية لوضع العطر و أهم شي تكون معقمة

أناء زجاجي معقم لخلط المكونات مثل برطمان قديم عندك

معالق قياس نفس اللي بنستخدمهم في الطبخ

قمع

ورق ألومنيوم

طريقة تعقيم الأدوات

بعد غسل كل من الزجاجة و البرطمان خليهم في ما عم يغلي دقيقة و بعدين طلعيهم

طريقة التحضير

حطي ربع كوب من الكحول في البرطمان

ضيفي ٢٥ نقطة من الزيت المفضل عندك مع التحريك المستمر، أنا أكثر شي بحبه هو الفانيلا و طبعاً فيكي تدمجي أكثر من نوع من الزيوت

بعد ما تكوني راضية عن المزيج المعطر اللي عملتيه سكري البرطمان بالغطا و حطيه في مكان بارد مظلم من ٤٨ ساعة لشهر و كل ما خليتيه أكثر كل ما كانت الريحة أحلى وأقوى

بعد ما تخلص المدة شمي المكونات لو حسيتي أنك بحاجة لإضافة زيوت عطرية إضافية ضيفي

هلا العطر جاهز و بحاجة لتخفيفة، ضيفي ٢ معلقة طعام من الماء المعدني أو المقطر و ٥ نقاط من الجليسرين

فيكي تضيفي ماء أكثر لو رح تحطي العطر في زجاجة رش

هلا حطي العطر في زجاجة العطر باستخدام القمع

وعطرك صار جاهز

معلومات عن العطور لازم تعرفيها

بتعرفي أنه في شخص وظيفته هي شم العطور في الشركات العالمية و التأكد من كمالها و جودتها قبل طرحها بالأسواق و يسمي هذا الشخص nose

بتعرفي ان العطور تشم في ٣ مراحل، أول ما ترشي العطر فأنتي بتشمي التوب نوت و بعد ما يبرد العطر شوي بتشمي الميديل نوت أما لما يثبت العطر فأنتي بتشمي البيز نوت عشان هيك دايما لما تشتري عطر ما تشميه بأول عملية الرش خليه تقريباً ٤٥ دقيقة و شميه هاي الريحة اللي حتفضل ثابنة، عشان هيك لما تخلطي العطر ابتدي دايماً بالريحة اللي عايزاها ثابتة (الزيت العطري اللي اخترتيه) بعدين ضيفي باقي المكونات أو باقي الزيوت

وهلا رح أعطيكي أمثلة عن عطور شهيرة و مكوناتها

عطر انجل الإصدار الأخير ٢٠١٩

التوب نوت

Mango, Grapefruit

الميديل او الهارت نوت

Blackcurrant sorbet

البيز نوت

Patchouli, Praline

عطر بلاك أوبيوم من أحلى العطور اللي بحبها

التوب نوت

Pink pepper, Orange blossom

الميديل أو الهارت نوت

Jasmine, Coffee

البيز نوت

Vanilla, Patchouli, Cedarwood

أتمنى موضوعي اليوم عجبكم حبيباتي

أختكم ميثاء عبدالجليل

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maithaabduljali

#howto #makeyourown #perfume #nose #perfumer #opium #angel #eduperfume #maithaabduljalil #instagram #youtube #ميثاءعبدالجليل #ميثاءعبدالجليل #صناعةالعطور #عطر #أوبيوم #أنجل #صناعةالعطورفيالبيت #فيالمنزل #اصنعيعطركبنفسك

240 مشاهدة