شو أخباركم يا عائلتي الميثاوية؟ بعرف أن في كثير منكم طلبوا مني أني أحكي عن موضوع الثقة بالنفس وكيف تقدري تعززي ثقتك بحالك حتى بوجود ناس سلبيين بحياتك، وبعتذر لأني أتأخرت عليكم شوي بالموضوع
اليوم رح أخبركم عن بعض التقنيات اللي من خلال ممارستها تقدروا تقووا شخصيتكم وثقتكم بحالكم
١- اتجنبي انك تتكلمي عن نفسك مع نفسك بشكل سلبي، يعني تحكي أنا وزني زايد، أنا أنفي كبير ، أنا ما أقدر ، أنا مستحيل أتعلم لأن كل هيدي الأحاديث الذاتية تعتبر تلقين ذاتي يعني أنتي عم تقنعي حالك بالأمور السلبية
ميثاء: من أموري السلبية هو أن وزني ما بقدر أتحكم فيه لكن انا بنظر لهالمشكلة أنها مو مشكلة وأنها واقع لازم أتعايش وأتعامل معه
٢- ركزي على الأمور الإيجابية بنفسك ولقني ذاتك بالتحفيز، يعني لما تصحي أحكي أنا قوية أنا رح أنجح أنا رح أوصل أنا أثق بنفسي واستمد قوتي من حالي
ميثاء: كل يوم الصبح بحكي لحالي كل الأشياء اللي الله أكرمني فيها واشكره عليهم مثل أولادي الله يحميهم، مثل الشجر الجميل وشكله اللي يفتح النفس، مثل الفطور اللي باكله لأن في ناس كثير بتعاني من المجاعة، يعني اللي بدي أوصلك ياه هو أنك بنعمه مهما كانت ظروفك لأن الله أنعم عليكي بأمور كثير أحلي من السلبيات اللي بتفكري فيها
٣- تحدي نفسك و حددي أهدافك، أصعب شي بالحياة هو العيش بدون هدف و هيدا الشي بيخلينا نلهي نفسنا بالأمور التافهه الصغيرة مثل شفتي فلانه شو سوت و لا علان أتزوج فلانه و لا ولا ولا
ميثاء: عندي حب وشغف اني أتعلم لغات فسجلت دورة تعلم اللغة الصينية يمكن ما استفاد منها بحياتي اليومية بس على الأقل أعمل شي أحبه وما أضيع وقتي بأشياء تافهه
٤- فاقد الشئ لا يعطيه فلا تتوقعي انك ممكن أنك تسعدي من حولك اذا انتي مو قادرة تسعدي حالك، وهاي أكثر مشكلة بشوف كل البنات بيوقعوا فيها و هم أنهم بيستمدوا سعادتهم من غيرهم يعني من أزواجهم أو أولادهم وفي بنات بس تجيب أولاد تلغي كيانها وتخلي أولادها محور حياتي و حتى ما تهتم بنفسها وهيدا غلط لازم تتعلمي التوازن بكل شي بالحياة وان نفسك ليها حق عليكي يعني على الأقل خصصي ساعة يومياً لعمل أي شي بتحبيه
ميثاء: أنا لأن طبيعة حياتي كلها تعامل مع الناس ففي ساعة باليوم بقضيها لحالي من دون أي حد معي ولا حتى أولادي ممكن أسمع فيها موسيقى و أشيش ممكن أحط شموع وموسيقى هادية و ممكن أشوف فيها التليفزيون لحالي المهم أعطي لنفسي حقها في اني اريحها من الكلام و اريح عقلي من التفكير في المشاكل يعني ريلاكس
٥- أتذكري دايماً شغله كثير مهمة عشان ترتاحي و هي أنك ما بتقدري أنك تحكمي على الناس فيكي تحكمي على حالك بس مو على الناس يعني على سبيل المثال لو صار موقف بينك وبين زوجك وانتي ضليتي مضايقة و ضليتي تحكي لحالك كان مفروض يعمل هيك و كان مفروض يتصرف هيك، هلا بدي ياكي تسألي حالك مين اللي عم يحكي؟ أنتى صح!! لأنك عم تحكمي على الناس بشخصيتك و بطريقتك في التعامل مع المشاكل وطبعا كلنا بنعرف ان كل انسان له تفكيرة وطريقته بالتعامل مع المشاكل فمو شرط اللي تشوفيه انتي صح ولازم ينعمل أنه يكون صح بالنسبة للطرف الثاني. أحترمي الاختلاف بين الأشخاص والعادات والتقاليد رح ترتاحي ورح تنظري للأمور بطريقة أكثر ايجابية
٦- احصلي على الدعم اللي تستحقيه وهيدا بوجودك بمحيط ايجابي فحاولي انك تكون صحباتك ايجابيات وبعرف ان في ناس سلبيين مفروضين علينا بحياتنا ولازم نتعامل معهم لكن فينا نختار بارادتنا اشخاص ايجابين لنكون في محيطهم وباسوء الأحوال ممكن يكون من خلال متابعة محاضرات على الانترنت عن الإيجابية أو مشاهدة مقاطع تشجيعية عن التنمية البشرية باليوتيوب
٧- حبي نفسك و خلي بينك و بين المحيط اللي حولك جدار وهمي يصد كل الكلمات السلبية واتذكري انتي الوحيدة القادرة على معرفة عيوبك فلا تعطي مجال لأي شخص محيط فيكي انه يحكم عليكي وخلي كل الكلام اللي ما بدك تسمعيه ينصدم بهيدا الجدار وينرد على الشخص اللي حكى وتقبلي الموضوع بابتسامه
أتمنى ان موضوع اليوم عجبكم
ما تنسوا تتابعوني على الانستغرام
maitha_abduljalil
وعلى السناب شات
Maithaabduljali
أختكم ميثاء عبدالجليل