اختاري بين ٨ اضافات لحمامك و دلعي حالك

البانيو بالنسبة لي يعتبر عشق عشق عشق، بحب كثير أعبيه ماي سخن و اشغل شموع يعني أعملي جو رومانسي و أدلع حالي، بس رح ضحكن شوي هههههه ان البيت اللي استأجرته جديد ما في بانيو لكن مع هيك ما بفوت فرصة مثلاً كنت بفندق أو شي الا أعمل طقوسي الاسترخائية

اليوم رح خبركم عن ٩ اضافات ممكن تضيفوها بالبانيو عشان تستفيدوا يا بنات، جاهزين

١- الحليب: يحتوي على كمية فيتامينات و مواد مغذية عجيبة و بيعمل على ترطيب البشرة و بنفس الوقت رح تلاحظوا بعد كم استخدام ان جسمكم صار ناعم أكثر، ضيفوا كم كوب من الحليب و استرخوا لمدة ١٥ دقيقة

٢- الأعشاب مثل اللافندر أو الروزماري أو الكاموميل: بتحسسك بالاسترخاء و الراحة جيبي شاش طبي أو أي قماش و اربطي فيه كمية من الأعشاب الفرش أو المجففة و خليه بالماي لمدة ٥ دقائق قبل ما تدخلي فيها عشان تطلع خلاصة الأعشاب بالماء أو فكرة ثانية فيكي تربطي القماشة تحت مجري الماء و أنتي بتعبي البانيو

٣- الزنجبيل الفرش: لو عندك برد أو عضلاتك مشدودة فأحسن شي تعملي مغطس حمام فيه شرائح زنجبيل و جربي ورح تدعيلي

٤- البيكن صودا: بتعمل على تقشير بشرة الجسم و لو عندك ألم في عضلات الجسم رح يخف، حطي شوي من البيكن صودا بالبانيو و استرخي لمدة ١٥ دقيقة ما تنسي تستخدمي الليفة بعد المغطس عشان تشيلي الجلد الميت

٥- الملح: لعضلات مرخية، بشرة رطبة، وتقشير للجلد الميت ضيفي شوي من ملح البحر للبانيو و عيشي اللحظة :)

٦- الشوفان: اضافة رائعة للبشرة الحساسة و الجافة رح يرطبها و يحسسك بالراحة

٧- الزيوت العطرية: قمة الدلع هو استخدام الزيوب العطرية مو بس راحة للجسم لا كمان للعقل وانا شخصياً بفضل زيت الورد أو زيت اللافندر أو زيت الفانيليا

٨- خل التفاح: لو جسمك محروق من الشمس فاضافة خل التفاح رح تريحك و تخلص جسمك من السموم شرط ما تقعدي بالماء أكثر من ١٠ دقائق

جربوا وصفاتي الميثاوية

وصفة راحة البال: اضغطوا على المكونات عشان تروحوا تشتروها من الموقع

١٠ نقاط من زيت الورد العطري

١٠ نقاط من زيت اللبان المر

٢ م ط من زيت جوز الهند العضوي

نص كوب ملح البحر

وصفة الاسترخاء: اضغطوا على المكونات عشان تروحوا تشتروها من الموقع

١٠ نقاط من زيت اللبان المر