اختيار نوع كريم الأساس ممكن يكون تحدي لكتير من الصبايا، أنا أول ما بلشت بمجال المكياج كنت عشر مرات أراجع نفسي قبل ما أختار كريم الأساس للزبونة، و ان شاء
الله بهيدا الموضوع رح أطرح لكم خلاصة خبرتي في كيفية اختيار كريم الأساس حسب نوع البشرة
البشرة الجافة
هي بشرة ينقصها الترطيب و أفضل أنواع كريمات الأساس لها هي كريم الأساس الكريمي، الستيك، أو السائل اللي فيه نسبة ترطيب يعني أهم شي ما يكون مكتوب عليه أويل فري يعني خالي من الزيوت
أفضل كريمات الأساس للبشرة الجافة
كريم الأساس السائل من أوار جلاس و أسمه فيل و كمان كثير مناسب للبشرة المتقدمة بالعمر أو اللي فيها تجاعيد
كريم الأساس الكريمي من كريولان أسمه سوبرا كلور لكن ما يناسب البشرة المتقدمه بالعمر أو اللي فيها تجاعيد
كريم الأساس المرطب السائل من سماش بوكس حلو للبشرة الجافة حتى اللي فيها تجاعيد
كريم الأساس السائل من ميك أب فور ايفر الأتش دي مناسب جدا للتصوير
كريم الأساس الستيك من شيسيدو يتميز عن غيرة من كريمات الأساس الستيك أن الشكل النهائي مو كيكي أبدا
نصيحة ميثاء
استخدموا مرطب قبل وضع كريم الأساس بربع ساعة
البشرة الدهنية
هي بشرة نسبة الإفرازات الدهنية فيها مرتفعة، لهيك هي ما تتحمل أبدا استخدام أي كريم أساس فيه نسبة زيوت و لهيدا النوع من البشرات أفضل كريم الأساس البودرة المضغوطة، أو كريم أساس سائل بس ضروري يكون مكتوب عليه أويل فري يعني خالي من الزيوت
أفضل كريمات الأساس للبشرة الدهنية
كريم الأساس من كلينيك أسمه ستاي مات أويل فري
كريم الأساس من أستي لاودر دبل وير و هو المفضل عندي للعرايس اللي بشرتهم دهنية
كريم الأساس من كيت فون دي اسمه لوك أت بس لازم تكونوا كتير سريعين بالدمج لان دمجه صعب شوي
كريم الأساس هالو فلوليس من بينيفيت
البودرة المضغوطة من جريماس و السر تبعي هو اني بحطها باسفنجة فيها ماي و نقطتين كريم اساس سائل بتعطي فينيش خرافي
نصيحة ميثاء
غسيل البشرة قبل و ضع كريم الأساس ووضع برايمر خاص ضد لمعان البشرة أنا بستخدم من سيفورا
البشرة العادية
البشرة العادية هي البشرة المثالية اللي بيناسبها كل أنواع كريم الأساس و كل ما كانت التغطية أخف كل ما كان أفضل لأنها بشرة تخلو من المشاكل فبالتالي استخدام كريم اساس تغطيته عالية ما هو بشي ضروري
أفضل كريمات الأساس للبشرة العادية
كريم الأساس السائل من ديور سكين اسمه فورايفر
كريم الأساس السائل من جورجيو أرماني أسمه لوميناس سيلك
كريم الأساس السائل من جورجيو أرماني أسمه مايسترو
نصيحة ميثاء
تجنبي وضع كريم الأساس الكريمي أو اللي يكون مثل البودرة المضغوطة لأن مع الأستخدام المستمر رح يغير طبيعة بشرتك و رح يقلبها لدهنية أو جافة
البشرة المختلطة
هي يمكن بشرة الأغلبية منا خاصتًا لو كنتوا من دول الخليج حيث الحرارة دايما مرتفعة و الرطوبة عالية
اختيار كريم الأساس
بالنسبة لأختيار كريم الأساس لهيدا النوع من البشرات بيكون من خلال تحليلي للبشرة هل البشرة أكثر مائلة للطابع الدهني اذا رح استخدم كريمات الأساس اللي ذكرتها للبشرة الدهنية و لو مايلة أكثر للطابع الجاف بستخدم كريمات الأساس اللي ذكرتها للبشرة الجافة
نصيحة ميثاء
ما تحطي كريم الأساس مباشرتا على منطقة التي زون وزعي على كل الوجه و ما تبقى بالأسفنجة أو الفرشة وزعية على منطقة التي زون، كمان بنصح بوضع برايمر أنتي شاين علي الأماكن الدهنية بالبشرة و مرطب على الأماكن الجافة قبل وضع كريم الأساس بربع ساعة تقريبا
البشرة الحساسة
هي بشرة دايما بتلتهب من المواد الكيميائية الموجودة بكريمات الأساس لهيك دايما بندور لالها البديل الطبي أو الطبيعي
أفضل كريمات الأساس للبشرة الحساسة
كريم الأساس من ذا بادي شوب اسمه اكسترا فيرجن مناسب للبشرة الحساسة المائلة للدهنية
كريم الأساس السبراي من ديور للبشرة الحساسة اللي فيها حبوب
كريم الأساس من لاش مناسب للبشرة الحساسة العادية
كريم الأساس الستيك من بوبي براون مناسب للبشرة الحساسة المائلة للجفاف
نصيحة ميثاء
أمسحي وجهك بمكعب ثلج مصنوع من ماء الورد فقط قبل وضع كريم الأساس بربع ساعة
ان شاء الله صبايا فادكم الموضوع
ما تنسوا تزورا قناتي على اليوتيوب لتستفيدوا من المواضيع اللي عم أطرحها
اختكم ميثاء عبدالجليل