مرحبا صبايا كتير طلبتوا مني مكياج خاص بالجامعة، طبعا عملتلكم لوك للجامعه لكن مع هيك حابة أقدملكم نصائح لحتى يكون
مكياجكم بالجامعة مرتب و نظيف ، ياللا خلينا نبلش
البشرة هي اساس جمال مكياجك والعناية بها من أهم الخطوات اللي لازم تتبعوها قبل وضع المكياج، أنصحكم بالتقشير مرتين بالاسبوع و الترطيب اليومي
استخدمي واقي الشمس قبل وضع المكياج بعد المرطب و ياريت لوأن تكون نسبة الحماية من الشمس 50
لا تضعي كمية كبيرة من المرطب و تأكدي من امتصاصه قبل وضع واقي الشمس
يمكنك الاستغناء عن المرطب باستخدام برايمر خاص للوجه
ان كنتي تعاني من مسامات واسعه فضعي برايمر مخصص لهذا الغرض
شرب كمية كافية من الماء يوميا، لتجنب جفاف البشرة و لاتنسي البشره الجافة تجعلك أكبر بالعمر و يكون مظهرها باهت حتى مع كريم الأساس
دربي نفسك على انهاء مكياجك ب 5 دقائق، هاجس شو رح حط اليوم ممكن يأثر على باقي اليوم و على أمورك الأهم و هي دراستك
تذكري ان المكياج الثقيل مخصص للسهرات و ليس للجامعه
اعتمدي البساطة، ورح تعرفي هيدا الشي لما صديقاتك رح يحكولك انتي محلوة اليوم مو لما يحكولك مكياجك حلو اليوم
غسيل الوجه قبل وضع المكياج أمر جدا ضروري لنتأكد ان البشرة ما فيها زيوت أو أوساخ لأنها تأثر على مظهر البشرة و تخلي كريم الأساس يتأكسد بسرعة لو حاطينه
لو بشرتك ما فيها مشاكل كتير، حاولي تتجنبي وضع كريم الأساس و اكتفي بوضع كونسيلر و بودرة مضغوطة
عند وضع الكونسيلر انتظري دقيقتين قبل دمجه ورح تلاحظي ان لونه أقوي و ثابت أكثر
لو بشرتك دهنية أو مختلطة ما تحطي كريم اساس ابدا و اكتفي ببودرة مضغوطة تغطيتها قوية
اذا كانت بشرتك حساسة جربي المكياج المعدني فهو الأفضل
احملي بشنطتك ورق امتصاص الدهون حتي تستخدميه لو البشرة دهنت و ما تستخدمي ابدا البودرة من دون التخلص من الدهون على البشرة، تراكم الدهون و البودرة ممكن انه يخلي شكل كريم الاساس كانه طبقة عجين على بشرتك
تجنبي استخدام جل الحواجب لأنه يعطي مظهر غير طبيعي للحاجب ، اكتفي باستخدام قلم حواجب ثابت أو مسكرة مخصصة للحواجب
تذكري وضع برايمر على العين و يكون مخصص لهذا الغرض قبل ما تبتدي مكياج عيونك
ان كنتي من محبي الايلينر فضعيه فقط على خط الرموش العلوية بخط كثير نحيف ليعطي كثافة فورية للرموش بشكل طبيعي
لو ما بتعرفي تستخدمي الايلينر تقدري تستبدليه بايشادو باللون الاسود و فرشة مشطوبه نفس تبع الحواجب رح تلاقي استخدامها كتير سهل عليكي
ان كنتي من محبي الكحل الأسود فأستثمري بنوع جيد لا يسيل
جربي بعض الألوان المختلفة من الكحل و لكن تجنبي اللون الأبيض و استبدليه بالبيج
استخدمي كسارة الرموش قبل وضع المسكرة
استخدمي نوعين من المسكره نوع مكثف و نوع يطول الرموش، عن تجربة هيدي الطريقة بتخليكي تحسي كأنك مركبة رموش صناعية
لمكياج الجامعه اعتمدي الدرجات الترابية للظلال لانها تبرز جمالك و تبعدك عن التكلف
استخدمي ألوان جلدية وردية طبيعية كأحمر خدود
جربي استغني عن الأرواج خاصتا الثابتة منها لانها مع الاستخدام المستمر ممكن انها تسبب جفاف الشفايف، جربي اقلام تحديد الشفاة العالية الجودة على كل الشفة كأحمر شفاه
هناك بعض انواع مرطبات الشفاه الملونة يعني كانك حاطه روج ولكن هو مرطب ، الأفضل بالنسبة لي هو مرطبات الشفاه من لاش
لا تنسي تنظفي بشرتك قبل النوم
تخلصي من مكياجك القديم و تأكدي ان المكياج اللي عم تستخدميه حاليا مدة صلاحيتة غير منتهية
اشتري مكياجك بعناية يكفي ان تشتري نوع واحد جيد من كل منتج على انك تشتري منتجات كتير متوسطة الجودة
ان شاء الله استفدتوا بنات
لكم مني كل الحب والتقدير
ميثــاء عبدالجليل