top of page
  • ميثاء عبدالجليل

أفضل المواقع لشراء الملابس أون لاين من تجربتي الخاصة


افضل المواقع للتسوق أون لاين

مرحبا يا أحلى صبايا، انا رح كون صريحة معكم ورح قلكم بكل صراحة أني مدمنة تسوق يعني ما بشبع مهما اشتريت ثياب و لا شنط و لا أحذية و أخخخخخ يا قلبي بعشق الاكسسوارات و رح أخبركم عن المواقع اللي أنا دايماً بشتري منها عشان تستفيدوا

لما تشتروا من المواقع رح تلاقوا اختلاف في طريقة الشحن ، في مواقع موجودة بالبلد اللي أنتي فيها و بس تطلب العنوان ورقم الهاتف و في مواقع عالمية توصل للدول العربية لكن تطلب رقم صندوق البريد و لازم يكون متوفر عندك لو لا روحي للبريد و أفتحي صندوق لاستلام مشترياتك و في مواقع أصلاً ما توفر توصيل للدول العربية بالمرة و بهيدا الحالة رح تحتاجي انك تفتحي حساب بشوب أند شيب و هو عبارة عن موقع تابع لأرامكس يسمحلك انك تبعتي شحنتك على عناوينهم اللي متوفرة بكافة الدول العالمية و بس توصلهم الشحنة هم يرجعوا يبعتوها لعنوانك يعني فيكي تعتبريهم وسيط للشحن و طبعاً مقابل رسوم تختلف حسب وزن الشحنة لهيك ديري بالك لما تستخدمي شوب أند شيب ما تاخدي أشياء وزنها كثير لأن رح يطلع عليكي الرسم شي خيالي يعني كيلو أثنين أوكي بس مو أكثر

المواقع اللي بحب أشتري منها: ما تنسوا تضغطوا على أي كلمة تحتها خط لتروحوا على الموقع مباشرتاً

موقع Shein

هيدا الموقع رهيب وأسعاره كثير حلوة مقابل الكواليتي الصراحة ما جربت من عندهم غير الملابس بس عن تجربة النصيحة اللي رح أعطيكي ياها هي أبعدي عن القطع اللي رح تكون الخامة تبعها ستريتش و اتأكدي من القياس

رح تلاقي لما تفتحي على صفحة أي قطعة ملابس كل التفاصيل مكتوبة الخامة الطول وكل شي ورح تلاقي جدول قياسات بالسم فقيسي نفسك بالمازورة و تأكدي أنك عم تاخدي القياس الصح

موقع ASOS

عندهم كوليكشن رهيب و يناسب كل الأذواق كثير بحبه و عندهم شحن لكل دول العالم، قياساتهم نفس اللي معودين عليها وقطعهم الكواليتي تبعها كثير حلو

موقع Sivvi

كمان موقع ملابسه كثير حلوة و قطعهم غريبة و بتجنن و عندهم حتى للبناب و الشباب، أنصحكم تجربوه لأن عندهم ماركات مختلفة

موقع Namshi

هيدا الموقع فيه أكثر من ٥٠٠ ماركة مختلفة و أسعارهم كثير حلوة و متوفر عندهم ملابس عربية، جلابيات، نفانيف، عبايات و عندهم ملابس لكل الأعمار

موقع stylekeepers

كمان من المواقع اللي كثير بحبها قطعهم كثير حلوة و غريبة

موقع VogaCloset

هو موقع عنده كثير من الماركات يعني يعتبر مثل المتجر وتعتبر أسعاره كثير حلوة و الحلو أنه عنده خدمة الدفع عن الاستلام

موقع Jollychic

موقع أسعاره حلوة و متنوع و يوصل لأغلب الدول العربية و أكيد سمعته عنه كثير

موقع Unique vintage

من المواقع اللي غير معروفة بس أنا شخصياً بحب أشتري منها، يعتمدوا على اللوك الرترو أنصحكم تجربوا الموقع كثير قطعهم حلوة

موقع A’GACI

نفس موقع شين أسعاره كثير حلوة و عندهم قطع لقطة جربوا زوروه كثير حلو رغم أنه مو معروف عندنا كثير

موقع Boohoo

من أكثر المواقع اللي ملابسها أسعارها حلوة و بنفس الوقت الكواليتي كثير حلو

موقع NET-A- PORTER

هو موقع عالمي يضم أغلب الماركات العالمية الشهيرة و يوصلوا لكل دول العالم

أتمنى موضوعي اليوم عجبكم حبيباتي و بإذن الله كل ما ألاقيكي موقع حلو يعجبني رح أجددلكم قائمة المواقع

أختكم ميثاء عبدالجليل

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maitha abduljali

#مشترياتي #التسوقأونلاين #أفطلالمواقع #لشراء #الملابس #منالانترنت #ملابسنساء #ملابسرجال #ملابسأطفال #ملابسبنات #ملابسأولاد #مواقع #موقعشين #موقعشيإن #shein #shoponline #websitetoshopcloth #shopandship #aramex #أرامكس #الشحنللدولالعربية #شوبأندشيب #طريقةالشحنللدولالعربية #كيفيةالتسوقأونلاين #كيفيةالتسوقمنالانترنت #أسوس #ASOS #SIVVI #سيفي #نمشي #موقع #ستايلكيبرز #فوغاكلوسيت #جوليشيك #يونيكفينتيج #أجاسيا #نتأبورتر #Namshi #stylekeepers #vogacloset #jollychic #uniquevintage #AGaci #netaporter #Aliexpress #Alibaba #aliexpress

٢٢٬٩٦٩ مشاهدة

أحدث منشورات

عرض الكل
bottom of page