بما أن نحن على أبواب فصل الصيف و طبعاً الصيف قاتل بشكل عام بسبب درجة الحرارة المرتفعة فحبيت أنزلكم وصفة كثير حلوة و طبيعية لمرطب مناسب للبشرة الدهنية، المختلطة و اللي فيها حبوب، و المكون الأساسي فيها هو الشاي الأخضر
فوائد الشاي الأخضر:
غني بالمكونات المضادة للأكسدة يعني بيخلي البشرة تتخلص من السموم و بيحميها من العوامل الخارجية الضارة و بنفس الوقت بيحمي البشرة من أنه يظهر عليها علامات التقدم بالسن بشكل سريع و من أكثر الوظائف اللي أنا بحبها شخصياً هي أنه قابض للمسامات فعال جداً وله خاصية مهدئة للبشرة لهيك هو مناسب للبشرة الحساسة و الملتهبة
المكونات:
٤ م ص من جل الصبار
٢ م ص من الشاي الأخضر
٣ م ص من زيت الأرجان
٤ نقاط من زيت شجر الشاي
٤ نقاط من زيت ابرة الراعي ( الجيرانيوم)
علبة لتخزين المرطب
تنوية:
كل المكونات متوفرة بموقع iherb
طريقة تحضير المرطب:
حضري منقوع الشاي الأخضر بوضع كيس شاي أخضر في كوب ماء سخن و تركه لمدة ٢٠ دقيقة و بس يبرد خدي من الكوب ٢ م ص و حطيهم في وعاء و ضيفي عليهم باقي المكونات كلها و امزجيهم
حطي المرطب تبعك في علبة صغيرة و فيكي تستخدميه يومياً كمرطب بس انتبهي رح يكون سائل لهيك رجي العلبة قبل ما تستخدمي المرطب و طبعاً يستخدم كل يوم الصبح بعد غسل الوجه و من بعدها لا تنسي تستخدمي واقي الشمس أقل شي حماية بنسبة ٥٠
ما تنسووا تتابعوا قناتي على اليوتيوب
https://www.youtube.com/user/maithaabduljalil
وحساب وصفات الجمال على الانستغرام
maitha_abduljalil
وحساب وصفات الطبخ على الانستغرام
maitha_cooks
والسناب جات
Maitha abduljali
أختكم ميثاء عبدالجليل