• ميثاء عبدالجليل

استخدامات خل التفاح للتخلص من الحبوب


كيفكن يا بنات؟ الحبوب من أكثر المشاكل اللي دايماً بنسأل عنها و طبعاً بعرف أديش الموضوع مهم لأنه مو بس بيأثر على الشكل لا و على النفسية كمان و صدقوني كنت بمكانكم و بعرف شو عم تحسوا لهيك عم حاول أخبركم عن أشياء سهلة فيكم تستخدموه من البيت و منها خل التفاح و اليوم رح شارككم ٥ استخدامات سهلة للخل لتتخلصوا من الحبوب

ليش الخل بالذات

الخل بطبيعته نسبة الحمضية فيه كثير عالية و غني كمان بالفيتامينات و المعادن و المغذيات و الأهم من هيدا كله أنه آمن لكل أنواع البشرة

كيف بيشتغل الخل

١- الخل له خواص معقمة و مضادة للبكتيريا لهيك هو بيعمل على التخلص من البكتيريا المسببة للحبووب و بيعقم البشرة

٢- بيمنع من رجوع تكون الحبوب على البشرة

الطرق الخمسة لإستخدام خل التفاح

الطريقة الموضعية لعلاج الحبوب

خففي ١ م ص من خل التفاح في ٢ م ص من الماء

استخدمي القطن لوضع الخل المخفف على البشرة مرتين باليوم

بكل مرة اتركيه على البشرة لمدة ١٠ دقائق فقط بعدين أغسلي البشرة

استخدام الخل كتونر للوقاية من الحبوب

امزجي نص كوب من الخل مع نص كوب من الماء مع ٥ نقاط من زيت اللافندر

استخدمي القطن لوضعه على البشرة

اتركيه لمدة ٥ دقائق و بعدين أغسلي البشرة

كرري الخطوات مرتين باليوم

يمكنك تخزين الكمية المتبقية للإستخدام في وقت لاحق

الكمادات الدافية

الحرارة من الكمادات بتساعد على تنشيط الدورة الدموية و بتسرع عملية الشفاء

تنويه: هاي الطريقة رح تخلي الحبوب اللي تحت الجلد واللي لسه ما ظهرت تطلع لهيك أول ما رح تستخدمي هاي الطريقة رح تلاقي الحبوب زادت بعدين رح تخف

خففي نص كوب من الخل بكوبين من الماء الدافئ بعدين جيبي قماشة و حطيها بالخل و حطي القماشة بعد عصرها على أماكن الحبوب و كل ما تبرد قطعة القماش ارجعي حطيها بالماء و كرري هاي الخطوات لمدة ١٠ دقائق عدة مرات باليوم فقط ليوم واحد

الإستخدام الداخلي للخل

الخل مو بس مفيد للحبوب لا كمان هو يخلص الجسم من السموم، خدي ١ م ص من الخل و خففي في كاسة ماء و حطي شوي عسل عشان الطعم و أشربيه

ماسك الخل

اخلطي ١ م ص من الخل مع ٢ م ص من الشاي الأخضر (تكوني محضرتيه من قبل بوضع كيس الشاي الأخضر في الماء و بس يتخمر و يبرد خدي منه معلقتين) و ٥ م ص من السكر و م ص من العسل

ضعي الخليط على البشرة و أتركيه على البشرة لمدة ١٠ دقائق و بعدين أخسلي بشرتك

استخدمي الماسك مرة بالإسبوع

أتمنى موضوعي اليوم عجبكم حبيباتي

أختكم ميثاء عبدالجليل

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maitha abduljali

#خلالتفاح #علاجالحبوب #الحبوب #حبالشباب #ميثاءعبدالجليل #ميثاءعبدالجليل #ماسكخلالتفاح #استخداماتخلالتفاح #فوائدخلالتفاح #الوقايةمنالحباب #كماداتخلالتفاح #ماسكالخل