• ميثـاء عبدالجليل

مرطب صنع أيديكي خاص للبشرة الدهنية


الترطيب خطوة كثير مهمة لازم تكون ضمن روتينك اليومي لكن بعرف كثير بنات عندهم بشرة دهنية بيخافوا من استخدام المرطب لأنهم بيفكروا أنه رح يزيد افراز الدهون بالبشرة و هيدا الشي مانه صحيح ١٠٠٪ لأنك لو استخدمتي المكونات الصح رح تساعدي البشرة أنها توازن مستوى الدهون و بالتالي رح تفرز دهون أقل و اليوم أنا محضرة لكم طريقة صنع كريم مرطب بالبيت

المكونات اللي رح تحتاجيها هي و اللي رح تلاقيها متوفرة كلها إما أونلاين أو عند محلات بيع المنتجات العضوية:

٦ م ط من زيت الجوجوبا

٢ م ط زبدة الشيا الخام أو ما يعادل ٣٠ جم

٢ م ط زيت التامانو أو التمانو

٥ نقاط من زيت اكليل الجبل

٣ نقاط من زيت النعناع

الطريقة:

١- سخني ماء في طنجرة و حطي جواه وعاء عميق يعني نفس الطريقة اللي بتسيحي فيها الشكولاته (حمام ماء ساخن)

٢- حطي زبدة الشيا بعدين زيت الجوجوبا و حركي من فترة لفترة لحتى تذوب زبدة الشيا تماماً

٣- شيلي الوعاء من على النار و مباشرتاً ضيفي زيت التامانو مع التحريك بشوكة

٤- ضيفي باقي المكونات بسرعة و انقلي كل المكونات إلي مرطمان بس يكون الغطا تبعه محكم الإغلاق

٥- فيكي تستخدمي مباشرتاً بعد ما يبرد لأن رح يتحول قوامه للقوام الكريمي بس يبرد

٦- لازم ما تخلي الكريم تبعك يتعرض للشمس، الكمية رح تكفيكي عالأقل شهرين من الاستخدام اليومي

فوائد المكونات:

١- زبدة الشيا

تعمل على ترطيب البشرة لإحتوائها على فيتامين A و ينفس الوقت بتحفز انتاج الكولاجين بالبشرة

٢- زيت الجوجوبا

وهو كثير مفيد للبشرة الدهنية لأن تركيبته كثير قريبة للزيت اللي بتفرزه البشرة و بمجرد ما تستخدميه البشرة بتعتقد أنها فرزت دهون كافية و هيدا الشي بيخلي البشرة ما تفرز دهون بكثرة و هون بيصير توازن معدل الدهون الطبيعي اللي حكيتلكم ياه من البداية و على فكرة هو آمن للاستخدام حتى للبشرة الحساسة أو اللي فيها حبوب

زيت الجوجوبا بيساعد على ترميم البشرة و التخفيف من التجاعيد و يحارب البكتيريا

٣-زيت التامانو

مفيد في حالات الحساسية و الأكزيما و التهابات البشرة و يرمم البشرة و يحميها من اضرار البيئة و يقتل البكتيريا اللي تسبب البثور و الحبوب و يعمل على تجديد البشرة

٤- زيت أكليل الجبل

يحمي خلاية البشرة من كل أضرار البيئة ويعمل على ترطيب البشرة و تحسين الدورة الدموية

٥- زيت النعناع

يعمل على قبض المسامات و يعمل على تهدئة البشرة

طريقة الإستخدام

مثل أي مرطب استخدميه مرتين باليوم و ضعيه من الرقبة و دلكي صعوداً للجبهه و ما تنسي تحطي واقي الشمس أقل شي بنسبة حماية ٥٠ كل يوم صباحاً

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maitha abduljali

أختكم ميثاء عبدالجليل

#مرطب #ترطيبالبشرة #البشرةالدهنية #البشرةالحساسة #البثور #الدهون #دهونالبشرة #مساماتالبشرة #المساماتالواسعة #إفرازدهونالبشرة #الإفرازاتالدهنية #صنعمرطببالبيت #فوائد #استخدامات #زيتالجوجوبا #زبدةالشيا #العضوية #الخام #زيتالتامانو #زيتالتمانو #تمانو #زيتاكليلالجبل #زيت #أكليلالجبل #زيتالنعناع #الزيوتالعطرية #الكولاجين #ترميمالبشرة #علاج #الحساسة #الحساسية #الأكزيما #التهاباتالبشرة #البشرةالتعبانة #البشرةالمجهدة #حبوبالبشرة #حبالشباب #الدورةالدموية #تقليلحجمالمسامات #تهدئةالبشرة #طريقةاستخدامالمرطب #المرطباليومي #طريقةوضعالمرطب