مرحبا يا بنات كيفكم؟ قبل ما أبتدي بموضوع اليوم بتعرفوا أني انسانة واقعية ولما بنزلكم موضوع بحب أعطيكم الخلاصة و قبل ما أبلش لازم أوضح نقطة كثير مهمة و هي أنه ما في طريقة بالعالم رح تخليكي تتخلصي من الرؤوس السوداء للأبد يعني مثال بسيط فيكي تعتبري الرؤوس السوداء نفس الغبرة اللي بتتراكم على أثاث بيتك مهما نوع المنظف اللي استخدمتيه رح ترجع الغبرة مرة ثانية لتنظفيها بس الفرق بيجي بين وحده بتمسح غبرة بيتها كل يوم و بين وحدة بتمسح غبرة بيتها مرة بالشهر فرح تلاقي أن كمية الغبرة بشهر أكثر بكثير فالفكرة هو أنك بس تنظفي بشرتك من الرؤوس السوداء لازم تعتني بالبشرة و بنظافتها لحتى تأخري رجوع الرؤوس السوداء و بس ترجع فأنت بحاجة لحتى ترجعي تنظفي البشرة و هلا ندخل بالموضوع
شو هي الرؤوس السوداء؟
هي عبارة عن مزيج من الزيوت اللي بتفرزها البشرة مع بعض الخلايا الميته و بيتجمعوا بالمسام و بيكونوا الرؤوس السوداء، أعتقد هلا فهمتوا على ليش أنا قارنتها بالغبره
على فكرة ممكن تطلع الرؤوس السوداء بالشعر خاصتاً لو الشعر دهني
ماسك الجيلاتين و الكركم للتخلص من الرؤوس السوداء
خدي ٢ م ط ماء مغلي و ضيفي عليهم زيت النعناع و حركي المكونات بعدين ضيفي١ م ص الجيلاتين (الجلي الشفاف اللي ما اله نكهه) و هو متوفر بكل السوبرماركت و ضيفي عليهم ٣ نقاط من زيت اللبان و آخر خطوة ضيفي ربع م ص من كركم الجسم و حركي المكونات كثير منتح
هلا حطي الماسك على أماكن الرؤوس السوداء و خليه على البشرة لمدة ١٥ دقيقة أو لحتى يجف تماماً و بعدين قشري الماسك من على البشرة و أغسلي بشرتك بماء بارد و حطي المرطب المفضل عندك
فيكي تعملي هيدا الماسك بأي وقت بدك تتخلصي من الرؤوس السوداء لكن أنتبهي ما تخليه يلمس الحاجب أو أطراف الشعر لأن رح ينقام مع الماسك
فوائد مكونات الماسك
زيت النعناع: يساعد على تجديد خلايا البشرة و له خواص مضادة للبكتيريا
الجيلاتين: غني بالأحماض الأمينية و يساعد على تحفيذ الكولاجين و محاربة علامات التقدم بالسن وبيعطي لمعة طبيعية للبشرة
زيت اللبان الذكر: بيقتل البكتيريا المسببة للحبوب و بيساعد على حماية البشرة من ظهور المسامات الواسعة و بيشد البشرة
الكركم: مفيد لخواصة المضادة للالتهابات و بيقلل الرؤوس السوداء و بيساعد على الحفاظ على مرونة البشرة و بيعطي البشرة لمعان طبيعي
ما تنسووا تتابعوا قناتي على اليوتيوب
https://www.youtube.com/user/maithaabduljalil
وحساب وصفات الجمال على الانستغرام
maitha_abduljalil
وحساب وصفات الطبخ على الانستغرام
maitha_cooks
والسناب جات
Maitha abduljali
أختكم ميثاء عبدالجليل