كيفكم عائلتي الميثاوية؟ اليوم رح أتكلم معكم عن موضوع يمكن كثير منكم يعرفوه بس اللي لاحظته ان في كثير من متابعاتي ما بيعرفوا الفرق بين البوتكس والفيلر لهيك حبيت اليوم أحكيلكم عن هالموضوع لتوضح الصورة لإلكم
شو هو البوتكس؟
هي مادة مستخلصة من نوع من البروتين يتم حقنها بالبشرة عشان تشدها وتحمي البشرة من ظهور التجاعيد وعلى فكرة كمان بيستخدم عشان يقلل التعرق في اليدين وتحت الإبط
فيكي تتخيليه كأنه مادة قابضه بيعمل على شد ووقف حركة العضلات في المكان اللي بيحقن فيه لهيك لازم لما تروحي تعملي بوتكس يكون الدكتور كثير شاطر لأن لو حط جرعة زايدة ما رح بقى فيكي تحركي حواجبك حتى لو بدك عشان هيك أول ما بلش البوتكس عام ٢٠٠٢ شفنا عاهات مو تجميل للأسف
شو هو الفيلر؟
هي مادة تحقن بالبشرة لنفخها، فيكي تتخيلي بالونة ما فيها هواء، رح يكون شكلها مجعد بس لو نفختيها رح تكون مشدودة.
بنفس الطريقة بيشتغل الفيلر وهو من خلال تعبئة التجاعيد وأي شي بتشوفيه منفوخ هو فيلر مو بوتكس يعني الشفايف، الخدود و الذقن وحتى صاروا يستخدموا الفيلر عشان يعبوا أي فجوات بالوجه مثل اللي بتكون موجودة بالأنف الأسيوي
كيف تختاري بين البوتكس والفيلر؟
قبل الاختيار لازم تشوفي التجاعيد اللي بدك تعالجيها، أي تجاعيد ناتجة عن حركة العضلات نفس اللي بتكون موجودة بالجبهه وحولين العينين يفضل البوتكس أكيد ١٠٠٪ لانه رح يشد ويوقف حركة العضلات
بينما لو التجاعيد تبين مثل الفجوات والثنيات الجلدية، مثل حولين الشفايف يفضل الفيلر، أتمنى يكون شرحي واضح
هل البوتكس أو الفيلر بيوجعوا؟
البوتكس المادة تبعه بتحرق شوي أثناء الحقن لكن مو بشكل كبير، أما الفيلر مادته ما بتحرق بالمرة، وبالنسبه للتخفيف من ألم الإبر فالدكتور عادتاً بيستخدم مسكن موضعي قبل بنص ساعة من عملية الحقن عشان ما تحسي بشك الإبر
مدة جلسة الحقن
المدة ما بتتجاوز الربع ساعة من دون وقت التخدير
كم مدة بقاء البوتكس والفيلر بالبشرة؟
تتراوح المدة من ٣ إلى ٦ شهور وبعدين لازم ترجعي تحقني
كم سعر البوتكس والفيلر؟
البوتكس يكلف حول الـ ١٥٠٠ درهم وحقنة الفيلر ٢٠٠٠ درهم اماراتي وبالعادة ابرة بوتكس بتكفي لكن ممكن تحتاجي أكثر من ابرة فيلر حسب عمق التجاعيد و مساحة المكان اللي عم ينحقن فيه
من أي عمر فيكي تستخدمي البوتكس أو الفيلر؟
أنا بنصح ان بعد عمر الـ ٣٠
أتمنى موضوع اليوم فادكم
وبتمنى تتابعوني على الانستغرام
maitha_abduljalil
والسناب جات
Maithaabduljali
أختكم ميثاء عبدالجليل
#العنايةبالبشرة #الفرقبينالبوتكسوالفيلر #البوتكس #الفيلر #ميثاءعبدالجليل #ميثاءعب #الجليل #تكلفة #مدة #حقن #ابر #طريقة #ماهو #ماهي #كيفية #بوتكس #فيلر #تعبئة #البشرة #بشرة #تجاعيد #الجبهة #حولالعينين #الفم #الشفايف #تكبير #أخطاء #جلسة #سعر #الخطوطالتعبيرية #الخطوطالدقيقة #التقدمبالسن #التجاعيد #العنايةبالجلد