• ميثاء عبد الجليل

طريقة صنع التان المنزلي بمكونات بسيطة


مرحبا حبيباتي الميثاويات كيفكم؟ اليوم رح نزل موضوع متأكدة أنه كثير رح تحبوه وهو كيف نعمل تان بفصل الشتاء، يعني كيف تخلوا سماركم الحلو عدرجة ذهبية بتجنن

بعرف فيه طرق بديلة يعني كريمات وسبراي منزلي لكنة مكلف واحتمال كتير كبير انه بس توصلي لنص الجسم يخلص معك السبراي ( تجربة سابقة) و في طبعاً المراكز اللي ما رحتها ولا مرة لأني ما بحب أدفع مصاري على شي ممكن أعمله لحالي و ما ننسى الشمس الطبيعية

رح قلكم معلومة عني عالسريع ... أنا ما بحب أروح البحر أو المسبح ويمكن بالسنة مرة بروح بتعرفوا ليش عشان الضرر اللي بتسببه الشمس للبشرة والصراحة بخاف يطلع نمش و لا حرق ولا ولا ومثل ما بيقولوا الوقاية خير من العلاج ... هلا ندخل بالموضوع

عشان الخلطة تضبط معاكي لازم البشرة ما يكون عليها جلد ميت يعني تعمليها بعد الحمام المغربي و لا بعد ما تعملي سكراب بالبيت و فيكي تستخدمي خليط من قشر البرتقال مطحون مع سكر و أي زيت عندك ياه و تسوي تقشيير للبشرة بحركات دائرية وبعدين تاخدي حمام منيح و تغسلي الجسم بالماء والصابون وتليفيه عشان يروح الزيت من عليه و هلا صرتي جاهزة للخلطة

المكونات

كوب كريم الجسم المفضل عندك أي نوع أهم شي يكون لونه أبيض

نص كوب شاي أسود مو أخضر يا بنات .... تجيبوا نص كوب ماء مغلي وتحطوا فيه كيسين ليبتون أو أي نوع شاي وتخلوه نص ساعة عشان يتقل اللون ويبرد بنفس الوقت وبعدين ترمي الأكياس و تاخدي الشاي السائل

بودرة كاكاو نفس اللي بنستخدمها للحلويات و نضيف منها حسب ما نحب اللون كل ما زودتي بيعطي لون أغمق ، أنا شخصياً بحب أحط نص معلقة كبيرة بس و لكن الموضوع يرجعلكم كل وحده واللي تحب

تخلطوا الشاي مع الكريم وطبعاً مثل ما قلتلكم لازم يكون الشاي بارد و تبتدوا تحطوا شوي شوي من بودرة الكاكاو لحتى توصلوا لللون اللي بدكم ياه

طريقة الأستخدام

استخدموا هيدا المزيج كبديل لكريم أو لوشن الجسم كل يوم ورح تلاقوا أن يوم عن يوم البشرة لونها بيحلو

للإضافة

ممكن طبعاً تاخدي جزء من الخليط النهائي وتحطي عليه جليتر أو لمعه باللون الذهبي وتستخدميه بالمناسبات

أتمنى موضوع اليوم عجبكم حبيباتي

ما تنسووا تزوروا قناتي على اليوتيوب – Maitha abduljalil

وحسابي على الانستجرام – Maitha_abduljalil

أختكم ميثاء عبدالجليل

#tan #tanned #DIY #طريقة #صنع #خلطة #وصفة #التان #تان #المنزلي #تحضير #بشرةصحية #بشرةلامعة #نضارةالبشرة #البشرةالسمراء #لمعانالبشرة #الشايللبشرة #بودرةالكاكاوللبشرة #تسميرالبشرة #بطريقةطبيعية #أشعةالشمس #جلساتالتان #سريرتسميرالبشرة #الجسم #جسم