بناء على طلب كتير من الميثاويات رح نزلكم موضوعنا لليوم وهو مثل العنوان وصفه مجربه ومضمونه لكن مع هيك الحذر واجب للي بشرتهم حساسة
المهم ندخل بالموضوع الوصفة تحتاج شهرين فقط او اول ما نوصل للنتيجة المطلوبة نوقف بس مو اكثر من شهرين و هي عن طريق
استخدام كريم الدوكين فورت ٤% بنسبة متساوية مع كريم ديبروساليك مع ملاحظة أن نخلط الكمية وقت الاستخدام فقط و ما تكثروا
طريقة الاستخدام
تاخدوا كمية مناسبة من الكريمين و تحطوها على الأماكن اللي بدها تفتيح بالجسم يعني الكوع، الركبة او الأماكن الحساسة بالليل قبل النوم و تغسلوا البشرة ثاني يوم الصبح بغسول طبيعي مثل صابون الغار او صابون مغربي اي شي طبيعي ما في كيماويات و بعدها تحطوا الكريم المرطب بيبانثين
اهم شي تنتبهوله انه لما تحطوا عالأماكن الحساسة تحطوا بس على الأماكن الخارجية فقط
في شغله تانية لازم تعرفوا احتمال كتير كبير يصير شويه احمرار و هيدا ناتج عن عملية التقشير وعفكرة أمر جدا طبيعي فلا تقلقوا و استمروا بالاستخدام لمدة شهر
تنبيه: يمنع تعريض الأماكن اللي عم نعالجها للشمس يعني الاكواع و الركبة طول فترة العلاج ما تتعرض للشمس
اما بالنسبة للشهر الثاني استخدموا كريم بيزلين بدل الديبروساليك و بنفس الطريقة و الخطوات
فيكم توقفوا اول ما توصلوا النتيجة اللي بدكم ياها
اتمني الموضوع أفاد الميثاويات حبيباتي
اختكم
ميثاء عبدالجليل