الليزر بالفترة الأخيرة صار كتير منتشر لدرجة انه عم نشوفة بأجهزة للاستخدام المنزلي مثل اجهزة ازالة الشعر المنزلية، لكن الليزر متوفر منه أنواع مختلفة تستهدف مشاكل مختلفة للبشرة
اليوم رح أحكي عن التقشير الكربوني، تقشير هوليود، الليزر الكربوني أو ليزر هوليوود كلها مسميات لشي واحد وهو الجمع ما بين مادة الكربون و تقنية الليزر بموجات مختلفة لتقشير البشرة
استخدامات الليزر الكربوني
نضارة البشرة عشان هيك بيسموه تقشير هوليود لان البشرة بتصير صافية بعد استخدامه
القضاء على البكتيريا المسببة للحبوب
التقليل من الافرازات الدهنية بالبشرة وهيدا معناه انه جدا مناسب للبشرة الدهنية والبشرة المختلطة
توحيد لون البشرة
المسامات الواسعة
التصبغات السطحية و يحسن مظهر الكلف السطحي
الجلسة
تبدأ بتنظيف البشرة والتأكد من خلوها من أي مكياج أو مستحضرات، من بعدها يوضع كريم أو ماسك يتكون من جزيئات الكربون و يترك على البشرة لمدة 30 دقيقة
هلا صار وقت الليزر، يمرر الليزر على البشرة بمرحلتين المرحلة الأولى هي الموجات الطويلة اللي بتزيد من حرارة الكربون و بتخليه يتغلل الي أعماق البشرة أما المرحلة الثانية فهي مرحلة الموجات القصيرة التي تسبب تقشير سطحي للبشرة و تقشر معه كل الخلايا الميته و ما عليها من مشاكل
عند استخدام الليزر يتبخر الكربون و معه كل الخلايا الميتة وما رح تشوفوا شي من هالعملية لأن العين بيكون متسكر عليها للحماية من اشعة الليزر
النتائج
تظهر النتايج بعد الجلسة الثالثة و تتراوح عدد الجلسات الاجمالية ما بين ال 6 ل 8 جلسات بمعدل جلسة أو جلستين بالشهر، مع العلم انه لازم نسوي جلسة كل 3 شهور لحتى نحافظ علي النتيجة
مين يقدر يسوي الليزر الكربوني
الرجال والسيدات من كل الأعمار، كمان هو مناسب لكل أنواع البشرة و ألوانها
ماذا ستشعرين أثناء الجلسة؟
رح تحسي ببعض الحرارة و الوخزات الخفيفة
بعد الجلسة
بيصير الوجه أحمر نتيجة التقشير لكن الاحمرار بيروح بعد ساعات من الجلسة يعني فيكي تمارسي حياتك الطبيعية بكل رياحة
أسعار الجلسة
تتراوح سعر الجلسة ما بين عيادة و أخري لذا اسألي أكثر من عيادة تجميلية على الأسعار
الاحتياطات
ممنوع منعا باتا التعرض للشمس الا باستخدام واقي شمس بنسبة حماية 50، ولأن الليزر كتير حساس اتجاه الشمس فيفضل انك تعملي الجلسات بفصل الشتاء
بعد التقشير بتكون البشرة شوي جافة فتأكدي من وضع كريمات مرطبة بشكل دائم و من شرب ماء كافي
وبهيك يكون خلص موضوعنا لليوم
ان شاء الله صبايا أكون جاوبت على كل اسئلتكم
مع تحياتي
ميثـاء عبد الجليل