قبل ما ابتدي بموضوعي لليوم حابة ألفت انتباهكم اني ما عم أحكي عن الأشخاص اللي عم يعانوا من زيادة بالوزن، الموضوع اليوم عن الكرش بكل تفاصيلة للرجال والسيدات، و سواء للأشخاص اللي يعانوا من زيادة بالوزن أو لا

أول شي لازم نعرفة ليش وكيف بتتراكم الدهون في منطقة الكرش؟

الكربوهيدرات و الانسولين

لما بناكل بيتم تكسير الطعام الي جزيئات صغيرة يتم تحويلها لطاقة، وأول ما يتم تحويله هو الكربوهيدرات ( خبز، معكرونة، رز) و تحول لجلوكوز و اللي هو مصدر الطاقة الأول للجسم، بعد تحويل الكربوهيدرات الي جلوكوز بيتم امتصاصة للدم وبيرتفع معدل السكر بالدم، هون بيجي دور هرمون الانسولين اللي بيتم افرازة من البنكرياس ودورة هو نفس دور التاكسي اللي بينقل الجلوكوز الي خلايا الجسم والعضل ليمدهم بالطاقة

فينا نعتبر ان الانسولين هو التاكسي اللي بيوصل الجلوكوز

للمحل (الخلايا والعضل) وفي حال ان المحل فيه جلوكوز كفاية فتلقائيا بيتم تخزينه كدهون للاستخدام في وقت لاحق

ولأن الجلوكوز يتم تحويلة بالبداية الي أقرب الخلايا ( الموجودة بالبطن) فبنبلش نشوف زيادة في محيط الخصر كبداية

الانسولين يتفاعل بشكل مختلف حسب نوع الأكل فكل ما أكلنا كربوهيدرات و سكريات فبتزيد نسبة الارتفاع المفاجئ للجلوكوز بالدم و بيتطلب نسبة انسولين أعلى في الدم لكن الأنواع الثانية من الأكل مثل البروتين بتحافظ على نسبة الجلوكوز و الانسولين معتدله بالدم

العامل النفسي

لما بنكون تحت ضغط نفسي بتزيد نسبة الادرنالين بالجسم و بدورة بيعطي أمر للخلايا الدهنية انها تفرز الدهون لان الجسم بحاجة لطاقة ، هيدا طبعا اللي بيصير لما حد بيكون مثلا خايف من شي أو بيهرب منه فبتكون عنده طاقة كبيرة و دايما بنقول في الموقف الفلاني ما كنت أنا و كان عندي طاقة كبيرة، و طبعا بالحالات الخطيرة بنكون بحاجة الي جرعة الطاقة المكثفة، لكن في حالة الزعل أو الضغط النفسي و بعد ما تطلع الدهون من الخلايا الدهنية ما بتتحول لطاقة لأن الجسم ما عم يبذل مجهود وهون بيجي دور هرمون الكرتيسول اللي دوره انه يرجع الدهون لبيوتها (الخلايا) الكورتيسول بياخد الدهون بس ما بيوزعها بشكل صحيح، لأنه بيحب منطقة البطن فبياخد الدهون من الدم و بيرجع يخزنها في البطن

السكر

السكر و حتى المشروبات الغازية الخالية من السكر هي عدو البطن الأول لأنها مباشرتا تتحول و تتخزن بالخلايا كدهون، رح أختصرها عليكم

السكر = الكرش

كمان حالة الفت انتباهكم لشغله كتير مهمه هي ان شرب المشروبات الغازية بيأدي علي ارتخاء عضلات البطن و اللي بدورة بيخلي احتمال ظهور الكرش أكبر بكتير

الابحاث اثبتت ان السكر هو سبب بدانة 70% من البالغين و 40% من الأطفال بأمريكا

السكر أبعاد خطورته ابعد من بس تخزين الدهون فهو بيساعد على زيادة هرمون الجوع (جيرلين )و بيوقف عمل هرمون الشبع ( ساتيتي)، يعني على طول بنحس بالجوع و شراهة مفرطة حتى لما تكونوا نايمين بتقوموا بدكم تاكلوا صح؟

وهون انا ما عم احكي عن السكر الموجود في الفواكة بالعكس الفواكة سكرياتها معتدله وكلها ألياف و قيمتها الغذائية عالية

ما هي مخاطر تراكم الدهون في منطقة البطن؟

كل الدراسات و الأبحاث أثبتت أن لها علاقة وطيدة بأمراض القلب والأوعية الدموية، السرطان، وفشل الكبد

كيف نقدر نعرف لو الدهون بمنطقة البطن هي في مرحلة الخطورة؟

أولاً: المظهر العام

هل جسمك شكل الكمثري أم التفاحة، شكل الكمثرى عادتًا ما تكون الدهون موجودة بشكل أكبر في الجزء السفلي من الجسم بينما شكل التفاحة هو الأكثر خطورة لأن تجمع الدهون تكون في منطقة البطن، و على فكرة شكل الجسم يرجع لعاملين جدا مهمين الوراثة و الهرمونات

ثانياً: قياس محيط الخصر للورك

نقيس الخصر مرورا بالسرة و نقيس الورك عند أعرض نقطة و نقسم محيط الخصر على محيط الورك

للسيدات أعلى من 0.85 و للرجال أعلى من 0.95 هي مرحلة خطرة

كل 2 انش زيادة عن المعدل السابق هي 10% زيادة بنسبة احتمال حدوث أمراض الشرايين و القلب

ثالثاً: محيط الخصر

نقيس الخصر مرورا بالسرة، فوق 102 سم للرجال و 88 سم للسيدات هي مرحلة خطرة

أحدى عشرخطوة و نصيحة للتخلص من الدهون بمنطقة البطن

أولا:تخفيف السكر

تخفيف السكر و المشروبات الغازية و العصائر المحلاة و اكتفوا باكل الفواكة لاشباع الشره على السكريات

ثانياً: زيادة البروتين

ادخال البروتين ضمن قائمة طعامكم لأنه يزيد من معدل حرق السعرات الحرارية بالجسم و يجعلنا نشعر بالشبع

البيض، البقوليات من أهم أنواع البروتين اللي لازم ندخلها بنظامنا الغذائي

ثالثاً: التقليل من أكل الكربوهيدرات

بمجرد انكم تخففوا من الكربوهيدرات رح تخف الشهية و رح تقل الشراهة على الأكل

رابعاً: تناول الألياف بشكل يومي

في نوعين من الألياف القابلة للذوبان و الغير قابلة للذوبان وأفضلها هي القابلة للذوبات اللي بدورها تحسسنا بالشبع لفترة طويلة و بالتالي تقلل كمية الأكل اللي عم ناكلها، وبهيك نحن عم ناكل أقل فالجسم بيضطر انه يحرق الدهون اللي مخزنها لأنه بحاجة لطاقة

خامساً: الرياضة

وهون انا ما بحكي عن رياضة البطن لأن مستحيل انه نعمل رياضة للتنحيف الموضعي و لما نعمل رياضة البطن انتوا عم تقووا العضلات بس و ما عم تبذلوا مجهود كافي لحتى الجسم يفرز الدهون من الخلايا و يحولها لطاقة، اذا نحن بحاجة ان نبذل مجهود و نعرق عشان نجبر الخلايا انها تفرع محتوى الطاقة اللي عندها صح؟ و عشان نقدر نعمل هيك فنحن بحاجة لنعمل احدى الرياضات اللي تتطلب مجهود مثل الركض، السباحة، الأيروبيكس، كلاسات في الجيم أهم شي نعرق

سادساً: راقبي اكلك

احضروا مذكرة و اكتبوا كل يوم شو عم تاكلوا و حاولوا تعدلوا من نظامكم للأكل تدريجيا الي ان تصلوا الي اكل 3 وجبات رئيسية باليوم و وجبتين سناك و أهم شي انكم ما تاكلوا أكثر من احتياجكم اليومي مثلا انا نسبة حرق الدهون بجسمي هو 1300 سعره حرارية لو أكلت 1350 سعرة باليوم فعندي 50 سعره رح تتحول لدهون و تتخزن بجسمي، انا عرفت نسبة حرق الدهون من خلال جهاز فحص الدهون عند دكتور نيوتريشن و اللي ممكن تعملوه بس لتعرفوا كم احتياجكم اليومي من السعرات الحرارية

سابعاً: تحفيز الشعور بالشبع

كل ما أكلنا بطريقة صحية و ذكية كل ما قل شعور الجوع عندنا و بالتالي قل الأكل اللي عم ناكله وفينا نخدع الجسم بأكثر من طريقة أهمها شرب كوب ماء كل ساعتين، وشرب ملعقة طعام كبيرة من زيت الزيتون صباحاً على الريق وهيدا رح يحسسنا بالشبع ورح ناكل أقل

ثامناُ: تحفيز معدل حرق الدهون

من الممكن تحفيز معدل حرق الدهون بالجسم من خلال شرب هيدي الوصفة اللي يسموها وصفة حرق دهون البطن و هي عبارة عن 8 أكواب ماء معدني + 1 معلقة كبيرة زنجبيل فرش مطحون + عدد 1 من الخيار شرائح + عدد 1 من الليمون شرائح + 1/3 كوب نعناع فرش

خلي كل ما سبق من مكونات مع بعض و حضروها قبل النوم و اشربوها على مدار اليوم الثاني

تاسعاً:شرب الماء الدافئ بالليمون

اشربوا صباحا كوب من الماء الدافئ مع عصير نص ليمونة، اما بالنسبة لفوائد هاي الخطوه فعديدة و يطول شرحها لكن باختصار

تزويد الجسم بالمعادن اللي يحتاجها من كالسيوم، بوتاسيوم، صوديوم

يقلل من أوجاع العضلات و الغضاريف

يحسن من آداء النظام الهضمي

يجعل الكبد يقوم بوظيفته على أكفء وجه و هي التخلص من السموم

يساعد على محاربة الالتهابات بالجسم خاصتًا التهابات الجهاز التنفسي

يساعد في حالات الامساك

يزيد من معدل حرق الدهون بالجسم

يقلل من حالات القلق و التوتر

يقلل من احتمال الاصابة بضغط الدم

ينظف الشرايين من السموم

يزيد من قلوية الجسم و اللي بدورها بتحسن من مناعة الجسم ضد الأمراض

يحسن من مظهر البشرة و ينعمها

يحسن من الشعور بالحموضة بعد الأكل

يساعد على تفتيت حصا الكلية والمثانة

يقلل الشهية

عاشراً: الشاي الأخضر

اشربوا الشاي الأخضر بكثرة، لانه بيزيد من معدل حرق الدهون بالجسم و يمكنكم الاختيار بين وصفتين رح تشوفوا مفعولهم خلال شهر

الوصفة الأولي: شاي أخضر + زنجبيل فرش + نعناع فرش + كمون مطحون، ضعوا كميات متساوية مما سبق في ماء على النار و خلوا الماء يغلي و اتركوا كل المكونات في الماء لمدة 10 دقائق بعدين صفوا الماي، و اشربوا 3 أكواب باليوم كل كوب قبل الأكل بنص ساعة

الوصفة الثانية: 1 معلقة صغيرة شاي أخضر + 1 معلقة صغيرة زنجبيل فرش مطحون + شوية نعناع فرش + 1 معلقة صغيرة قشر الرمان مجفف ومطحون، اشربوا كوب واحد بعد كل وجبة

الحادي عشر: لفافات الجسم

طبعا مفعولها فوري ولازم نحافظ على النتيجة ، في 3 وصفات كلها مجربة اختاروا بينها اللي يناسبكم

الوصفة الأولي: ضعوا اي لوشن على منطقة البطن و لفوه بورق تغليف الأكل الشفاف و البسوا فوقة اي لبس ضيق عشان ما يتحرك من مكانه أو ممكن نربطة برباط الجروح قبل النوم و ازيلوه صباحا و ستلاحظوا الفرق

الوصفة الثانية: ضعوا فكس على منطقة البطن و لفوه بورق تغليف الأكل الشفاف و البسوا فوقة اي لبس ضيق عشان ما يتحرك من مكانه أو ممكن نربطة برباط الجروح قبل النوم ازيلوه صباحا و ستلاحظوا الفرق

الوصفة الثالثة: ضعوا أوراق الملفوف الني المغسولة و المجففة على البطن بشكل مسطح و لفوها بورق تغليف الأك

الشفاف و البسوا فوقة اي لبس ضيق عشان ما يتحرك من مكانه أو ممكن نربطة برباط الجروح قبل النوم و ازيلوه صباحا و ستلاحظوا الفرق

يمكنكم اعادة هاي الوصفات كل ما احتجتوا و ما في ضرر منها بإذن الله

ان شاء الله الموضوع أفاد الكل

لكم مني كل الحب و التقدير

ميثاء عبدالجليل