كيفكن يا أحلى صبايا؟ طبعاً مثل ما أنتوا معودين على، أنا بستوحي أفكار مواضيعي منكم و من أكثر المواضيع اللي حابيني أحكي عنها هي خلطات تطويل الشعر بس قبل أي شي لازم تتأكدوا أن ما عندكم نقص حديد بالدم و الا ما في شي من الماسكات رح يفيد وثانياً تتأكدوا ان الشامبو و البلسم اللي تستخدموه خاليين من البارابيين و الكبريتات و ما رح طول عليكم أكثر خليني بلش بالماسكات
الماسك (١) ماسك البصل الأحمر
معلومات تهمك:
البصل الأحمر غني بالكبريت اللي بيحفز انتاج مادة الكولاجين واللي بدورها بتنشط بصيلات الشعر لتنمو بشكل أسرع
المكونات:
عصير بصلة حمراء
١ م ط من العسل
الطريقة:
اخلطي العصير مع العسل
وزعيه على الفروة
اتركيه مدة ساعة
يكرر مرة بالإسبوع
الماسك (٢) خلطة الحلبة
معلومات تهمك:
الحلبة تنشط الدورة الدموية بفروة الراس و اللي بتساعد على تطويل الشعر و الوقاية من تساقطه و كمان بتعالج القشرة
المكونات:
٢ م ط حبوب حلبة
٢ م ط من الماء
الطريقة:
حمسي بذور الحلبة على النار لتنشوي
أصحني البذور و اخلطيها مع الماء
أدهني فروة الراس و اتركيه نص ساعة
يكرر مرتين بالإسبوع
الماسك (٣) خلطة الحلبة و حبة البركة
معلومات تهمك:
هيدي الخلطة مجربة و مضمونة و رح تخلي شعرك يطول في شهر بشكل ملحوظ و هيدا بفضل مكوناتها اللي بتحفز الدورة الدموية و بتساعد على تطويل الشعر
المكونات:
كوبين من زيت الذرة
كوب من الحلبة المطحونة و تكون فرش
كوب من حبة البركة
الطريقة:
في برطمان حطي المكونات كلها
خليهم في مكان مظلم ١٠ أيام
يستخدم على الشعر و فروة الراس مدة ٣ ساعات
يكرر مرتين بالإسبوع
الماسك (٤) خلطة السدر
معلومات تهمك:
السدر نبته ممكن تجيبوها من عند العطار و يستخدم من آلاف السنين في علاج الأمراض الخاصة بالبشرة و الشعر
المكونات:
١ بصل أحمر
١٠ فصوص ثوم
ربع كوب زيت زيتون
ربع كوب زيت جرجير
ربع كوب زيت حبة البركة
ربع كوب زيت الحلبة
ربع كوب من حليب جوز الهند
كاس من مسحوق أوراق السدر
الطريقة:
حطي كوبين من الماء على النار و معه البصل مقطع أرباع و فصوص الثوم
خلي الماء على نار خفيفة لحتى تصير صفرا و تاخد كل فوائد البصل و الثوم
صفي الماء و خليه يبرد بعدين حطي الزيوت و السدر
حطي الماسك على فروة الراس فقط من ساعة لثلاث ساعات
يكرر ٣ مرات بالإسبوع
الماسك (٥) خلطة الرز و السمسم
معلومات تهمك:
الأرز بيعمل على تطويل الشعر و زيادة كثافته و بيعطي لمعه للشعر كتير حلوة وممكن تدخليه كمكون بأي ماسك و كمان كثير مفيد لتوحيد لون البشرة
المكونات:
كوب رز مصري
نص كوب مسحوق بذور السمسم
الطريقة:
أشطفي الرز و أنقعيه لمدة نص ساعة
بنفس الماء أغليه لمدة ١٠ دقائق
صفي الرز و احتفظي الماء تبعه
اخلطيه مع بذور السمسم
يترك على الشعر مدة ساعة
يكرر يومياً مدة ٢٠ يوم
الماسك (٦) خلطة الموز و الكيوي
معلومات تهمك:
هاي الطريقة تزيد من نمو الشعر و تعطيه نعومه و لمعه بتجنن
المكونات:
حبتين موز
حبة كيوي
الطريقة:
تخلط المكونات نفس البيوريه
توضع على الشعر مدة ساعة
تكرر مرة بالإسبوع
الماسك (٧) خلطة الخردل
معلومات تهمك:
يحتوي الخردل على الأحماض الأمينية المفيدة للشعر لأنها بتنشط الدورة الدموية فالشعر بيطول أسرع، و بنفس الوقت فهو بيحمي الشعر من التساقط و التقصف لأنه بيحتوي على مادة السلينيوم
المكونات:
٢ م ط بذور الخردل مطحونة أو ٣ م ص من زيت الخردل
٢ م ط من الماء الدافئ
٢ م ط من زيت الزيتون
صفار بيضة
٢ م ص سكر
الطريقة:
اخلطي المكونات مع بعض
حطي الخلطة لمدة ساعة
يكرر مرة بالإسبوع
نصيحة ميثاء:
في حال استخدمتي ماسك فيه مكونات تترك ريحة بالشعر فضيفي زيت اللافندر على الشامبو تبعك و بعد ما تستخدمي البلسم اشطفي الشعر بكوب ماء مذوب فيه نص م ص من النسكافيه
أتمنى موضوعي اليوم عجبكم حبيباتي
أختكم ميثاء عبدالجليل
ما تنسووا تتابعوا قناتي على اليوتيوب
https://www.youtube.com/user/maithaabduljalil
وحساب وصفات الجمال على الانستغرام
maitha_abduljalil
وحساب وصفات الطبخ على الانستغرام
maitha_cooks
والسناب جات
Maithaabduljali