مرحبا بنات، كثير بتجيني أسئلة على قناتي باليوتيوب عن هيشان الشعر أو الشعر اللي بينوبر كثير و كيفية التعامل معه، رح أعطيكي ٢٤ نصيحة لتعرفي تتعاملي مع شعرك
١- أتأكدي ان كل منتجات الشعر اللي عم تستخدميهم خاليين من الكحول، البارابين، و السالفيت
٢- قبل ما تسشوري شعرك أو تعرضيه لأي حرارة لازم تستخدمي واقي حراري من أي براند مو مشكله بس ما تنسي هاي الخطوة
٣- استخدمي زيت جوز الهند قبل ما تنزلي البحر أو حوض السباحة، هيدي الخطوة رح تحمي شعرك من الكلور والملح اللي ممكن يسببوا هيشان الشعر
٤- استبدلي البلسم بماسك بكل مرة تتحممي فيها، هيدا الشي رح يسمح بالترطيب العميق للشعر فرح تقل نوبرته
٥- استخدمي فرشة الشعر العريضة عشان تسرحي شعرك
٦- ما تسرحي شعرك مباشرتاً بعد الحمام لأنك بتكوني عم تقطعيه و أتذكري أن الشعر بيكون بأضعف حالاته و هو مبلول، المفروض تخلي شعرك ينشف ٩٠٪ قبل ما تسرحيه
٧- استخدمي الجليسرين بكمية بسيطة كبديل عن السيروم، جربي و رح تدعيلي
٨- إذا كنتي طالعه مشوار و عارفة أنك رح تعرقي فرشي الشعر بسبراي مرطب قبل ما تطلعي لأن الصوديوم اللي بالعرق بيسبب هيشان الشعر
٩- لما تستخدمي أدوات تصفيف الشعر حاولي تستخدمي أقل حرارة ممكنة، لأن درجة الحرارة العالية رح تسبب هيشان للشعر
١٠- حاولي تحممي شعرك فقط مرتين بالإسبوع و لو أحتجتي تحممي شعرك أكثر فقط استخدمي الماء و البلسم و ما تستخدمي الشامبو أكثر من مرتين بالإسبوع
ماسكات للشعر الهايش، أختاري ماسك واحد فقط
١- ماسك الأفوكادو
قطعي حبة أفوكادو أهرسيها و بعدين أمزجيها بكوب زبادي أو روب وخلي الماسك عشعرك ٤٥ دقيقة و كرري الماسك مرتين بالاسبوع
الفوائد: من أقوى الماسكات لإحتواء الأفوكادو على كثير من الفيتامينات اللي تمنع نوبرة و هيشان الشعر و بنفس الوقت يرطب الشعر ترطيب عميق و يغذيه
٢- ماسك زيت جوز الهند
أمزجي زيت جوز الهند العضوي مع بعض نقاط من فيتامين E و ضعي المزيج على فروة الراس و الأطراف و خليه لمدة ساعة، يكرر مرتين بالإسبوع
الفوائد: يحمي الشعر من العوامل الخارجية الضارة و يرطبه و يمنع هيشانه
٣- ماسك المايونيز
أمزجي ربع كوب مايونيز مع ثلث كوب زيت لوز و بيضه و ضعي الماسك على الشعر لمدة نص ساعة، يكرر مرتين بالاسبوع
الفوائد: هيدا الماسك يقوي، ينعش، يلمع الشعر ، ويرطبه و يمنع من هيشانه
٤- ماسك الليمون و العسل
أمزجي معلقتين كبار من عصير الليمون مع معلقتين كبار عسل و كاسة ماء و سوي مساج للشعر لمدة عشر دقايق، يكرر مرة كل اسبوعين
الفوائد: يعمل على إزالة الأوساخ والزيوت من الشعر و بنفس الوقت يحفز من نمو الشعر و يقلل من نوبرته
٥- ماسك حليب جوز الهند
سخني ٦ معالق كبار من حليب جوز الهند و ضعيه على الشعر لمدة نص ساعة، يكرر مرتين بالإسبوع
الفوائد: يساعد حليب جوز الهند على ترميم الشعر التالف والمجهد مع ترطيبة و إعطاءه لمعة و يقلل من نوبرته
ما تنسووا تتابعوا قناتي على اليوتيوب
https://www.youtube.com/user/maithaabduljalil
وحساب وصفات الجمال على الانستغرام
maitha_abduljalil
وحساب وصفات الطبخ على الانستغرام
maitha_cooks
والسناب جات
Maitha abduljali
أختكم ميثاء عبدالجليل
#العنايةبالشعر #الشعرالتالف #الشعرالمجهد #الشعرالمتقصد #الشعرالمتقصف #ميثاءعبدالجليل #ميثاءعبدالجليل #الشعر #شعر #هايش #هيشان #نوبرة #نوبره #التالف #المجعد #الكيرلي #نصائح #ماسكات #ماسكالأفوكادو #ماسكجوزالهند #حليبجوزالهند #ماسكالميونيز #ماسكالليمون #ماسكالزبادي #ماسكالعسل #ماسكالبيض #للشعر #المجه #الهايش #المتكهرب #البيبيهير #الشعرالصغير