كيفكم يا بنات؟ اليوم رح خبركم عن الفرق بين أنواع الكريمات المختلفة اللي بنشوفها بس ما بنعرف نفرق بينها و الصراحة بيني و بينكم أنا شخصياً صرت أضيع من كثر المسميات الغريبة اللي الشركات المصنعة عم تطلعها لحتى تلاقي منتجات جديدة تطرحها بالأسواق، المهم ما رح أطول عليكم أكثر خلينا ندخل بصلب الموضوع
البي بي كريم
١- هو أختصار ل Beauty Balm أو Blemish Balm
٢- البي بي كريم تحتوي على مزيج من المرطب، كريم الأساس، واقي الشمس ، و برايمر يعني كل شي بمنتج واحد لهيك البي بي كريم كثير عملي للإستخدام اليومي و يعتبر بديل ممتاز لمستحضرات كثيرة بنستخدمها بشكل منفرد
٣- يناسب البشرة الجافة و العادية و لا يناسب البشرة الدهنية أو اللي فيها حبوب بسبب نسبة قوامه الكريمي
٤- وظيفة البي بي كريم هو تغطية عيوب البشرة مع ترطيبها و حمايتها بنفس الوقت
السي سي كريم
١- هو أختصار ل Colour Correcting
٢- السي سي كريم يحتوي على مزيج من كريم الأساس و مكونات مصححة للون البشرة و مفتحة و مكونات مقاومة لعلامات التقدم بالسن، الفرق بينه وبين البي بي كريم هو عدم أحتوائه على دهون
٣- يناسب البشرة الدهنية و اللي بتعاني من الحبوب
٤- وظيفة السي سي كريم هو تأمين تغطية طبيعية للبشرة لأنه خفيف على البشرة و بنفس الوقت يخفي عيوب البشرة و التصبغات
الدي دي كريم
١- هو اختصار ل Dynamic - Do -All أو Daily Defense
٢- الدي دي كريم أخف على البشرة من البي بي و السي سي كريم، و يحتوي على كريم أساس، و مكونات مصححة للون لكن بتركيبة خفيفة و بيحتوي على واقي شمس
٣- يناسب البشرة المتقدمة بالعمر و يناسب كل أنواع البشرة ما عدا الجافة و هيدا بسبب أنه مو داخلة بتركيبته مكونات مرطبة
٤- يغطي عيوب البشرة بطريقة خفيفة مع تبييضها و حمايتها من الشمس
الإي إي كريم
١- هو اختصار ل Extra Exfoliating
٢- الإي إي كريم هو مزيج من كريم العناية بالبشرة و المقشر
٣- يناسب كل أنواع البشرة
٤- يغذي البشرة و يقشرها بنفس الوقت لكنه لا يؤمن تغطية كون أنه بنحطه على البشرة و بنغسلها بعد عملية التقشير
ما تنسووا تتابعوا قناتي على اليوتيوب
https://www.youtube.com/user/maithaabduljalil
وحساب وصفات الجمال على الانستغرام
maitha_abduljalil
وحساب وصفات الطبخ على الانستغرام
maitha_cooks
والسناب جات
Maitha abduljali
أختكم ميثاء عبدالجليل