وصفة توريد الوجه الرهيبة

October 13, 2017

مرحبا حبيباتي كيفكم، اليوم قلت أخبركم عن وصفة جديدة لتوريد الوجه وبنفس الوقت بتعطي الوجه لوك طبيعي صحي ولامع

 

 

شوفوا يا بنات الخلطة مكوناتها بسيطة لكن مفعولها كبير ورح بلش معكم مباشرتاً بالمكونات

 

رح تحتاجوا

معلقة كبيرة من الفازلين

معلقة كبيرة من زيت جنين القمح – و بمناسبة الحديث عن زيت جنين القمح فهو أكثر شي طبيعي مفيد في حالات حفر الوجه – معلومة عالسريع

واخر مكون هو كركدية مطحون ناعم جدا أو عكر فاسي وعلى فكرة العكر الفاسي متوفر عند العطار وأحياناً يسموه دم الغزال و الكمية تعتمد عليكي فيكي تضيفي من الكركدية أو العكر الفاسي شوي شوي لحتى توصلي لمستوى التوريد اللي بدك ياه

 

الطريقة

تجيبي صحن كبير وتحطي فيه ماء مغلي شوي مو كثير وتحطي فيه صحن ثاني فيه الفازلين يعني باختصار حمام مائي عشان يذوب الفازلين و طبعا انتبهي الماء تلمس الفازلين وبعد ما يذوب ضيفي عليه زيت جنين القمح و الملون الطبيعي اللي اخترتيه سواء كركديه مطحون أو عكر فاسي، تضيفي شوي وتحركي الخليط و بعدين شوي وتحركي الخليط وهيك لحتى توصلي لللون اللي بدك ياه أو درجة الأحمر اللي بتفضليها و بعدين تاخدي الخليط تحطيه في علبة وفي الثلاجه لحتى يجمد و بعدين تستخدميه بالأيام اللي مو حابة تحطي فيها مكياج أو بالبيت و ما تنسي لو رح تطلعي فيه لازم تحطي فوقة واقي شمس

 

معلومة

بعض الأحيان رح تلاقوا البشرة كأنها عم تبقع و كان في أماكن أغمق من أماكن ثانية ، السبب هو أن بشرتك عليها جلد ميت و العيب مو من الخلطة و لا حتى من بشرتك لأن كلنا بيطلع على بشرتنا جلد ميت، ولو اتعرضتي لهيك موضوع أعملي سكراب قبل وضع الفازلين على البشرة وبهيك تكوني حليتي المشكلة

 

أتمنى موضوع اليوم عجبكم حبيباتي

أختكم

ميثاء عبد الجليل

 

 

Please reload