كيف تحضري مرطب شفايف يكبر شفايفك

October 6, 2017

 مرحبا حبيباتي كيفكم، اليوم رح خبركم كيف تقدروا تصنعوا مرطب شفايف يرطب وبنفس الوقت يكبر الشفايف بصورة طبيعية، يلا نبلش

الأدوات:

انبوب مرطب شفايف شفاف أو في لون ما يهم

½ معلقة صغيرة زيت القرنفل أو المسمار ولو مو متوفر نستبدله ببودرة بس أفضل الزيت

½ معلقة صغيرة زيت  القرفة ولو مو متوفر نستبدله ببودرة بس أفضل الزيت

¼ معلقة صغيرة فلفل أحمر بودرة

 

الطريقة:

نفضي محتوى مرطب الشفايف في فنجان قهوة نظيف

نحضر صحن عميق في ماي حار

نحط الفنجان في الصحن وطبعا من دون ما يلامس الماي المرطب

بعد ما يتحول قوامه لسائل نحط باقي المكونات كلها ونحرك بعود أسنان كتير منيح

نرجع المرطب على الأنبوبة تبعه و فيكم تستخدموا ابرة من دون الراس تبعها عشان تنقلوا المرطب للعلبة تبعه

نخليه في الثلاجه ساعة لحتى يرجع يجمد

و بعدين بيصير جاهز المرطب تبعك للاستخدام

 

تعليمات مهمة

ما تستخدمي المرطب على شفايف متشققة أو ملتهبة

للوصول لأحسن النتائج أعملي تقشير لشفايفك باستخدام زيت الزيتون و الملح ثلاث مرات بالاسبوع

 

 

أتمنى موضوع اليوم عجبكم حبيباتي

أختكم ميثاء عبدالجليل

Please reload