أهلين حبيباتي موضوعنا لليوم هو ترهل الجلد بعد الولادة، قبل ما أبدأ بالحلول بدي أحكي لكل أم عم تقرى كلماتي البسيطة هو أن الجلد واللي هو أكبر عضو بالجسم بيتفاعل بشكل مختلف من جسم لجسم، سيدات بتطلع عندهم حبوب أو كلف أو علامات تمدد الجلد أو ترهل بالجلد يعني أنتي مو لحالك كلنا مرينا بهيدي المرحلة و أنها مو آخر الدنيا و لما نتعامل مع المشكلة نتعامل معها بهدوء و بتروي و ما تنسي أنك عملتي شي كثير عظيم جبتي طفل و اللي تطلب منك كثير أشياء خلال شهور الحمل، و التغلب على ردود فعل جسمك أثناء الحمل رح يتطلب وقت و اتذكري دائما انت أم فأنت سيدة عظيمة
واليوم رح أطرح لكم بعض الحلول المجربة للتخلص من مشكلة الترهل اللي بتصير بعد الولادة وطبعاً تختاري بين الماسكات يعني مو ضروري تسويهم كلهم و شوفي شو رح يمشي معك
استخدام مزيج مكون من زيت الزيتون وزيت الخروع مع زيت النعناع على المنطقة المترهلة كل يوم يساعد على شد الجلد
خلط زيت القرنفل مع الياسمين ثم تدهن في مكان الترهل
خلط الشبة و زيت الزيتون و النشا مع قليل من الماء ثم وضع هذا الخليط علي المكان المترهل و يترك قليلاً إلي أن يجف ثم تغسل المنطقة بالماء الدافئ او بمسحها بقماشة مبلله بالماء .
جيبي لسان بحر مطحون – موجود عند العطارين – وزجاجة خل تفاح ، حطي المكونات السابقة في زجاجة كبيرة لأن رح تفور المكونات لما تحطيهم مع بعض و خزني الزجاجة لمدة اسبوع و بعدين أدهني فيها مكان الترهل كل يوم و أغسليه من على الجلد بعد مرور نصف ساعة، تعيدي الوصفة يوميا لحتى توصلي للنتيجة اللي بدك ياها
شرب كوب من خليط الكمون، الزنجبيل، ليمون ونعناع فرش يومياً بيساعد على التخلص من الدهون المتراكمة في منطقة البطن
خلط ملعقة زنجبيل + قشر رمان + ملعقة شاى أخضر + نعناع رطب يتم خلطهم ثم غليهم ثم تناول كوب من هذا الخليط بدون تحلية بالسكر 3 مرات بعد الأكل يومياً.
نقع 3 ملاعق من عشبة الشمر في كوب من الماء المغلي لمدة ساعه ثم تصفي وتناوليها مرة يومياً.
خسارة وزن الحمل تدريجياً بعد الولادة لتعطي وقت للجلد أنه يرجع لشكله الأساس
تناول البروتينات مثل اللحوم، الأسماك، البيض، والأجبان بشكل أكبر لأنها بتساعد الجلد يسترجع مرونتة و بالتالي رح يرجع لشكله الأساسي تدريجيا
قومي برياضة المشي لمدة 20 دقيقة يومياً ولخمس مرات بالاسبوع
قومي بتمارين تقوية عضلات البطن بمجرد مرور شهر على الولادة
لكم مني كل الحب و التقدير و الاحترام
اختكم
ميثاء عبد الجليل