كلنا بنحتار في اختيار الشامبو مع كثرة الماركات اللي موجودة بالسوق وتفاوت أسعارها، اللي لازم نعرفه كلنا هو الاختيار بحذر نظرا لوجود شركات مصنعة تستخدم المكونات الضارة الرخيصة لزيادة ربحها على حساب صحة و جمال شعرنا تاج جمالنا، لهيك اليوم حبيت أطرح موضوع ثاني للتحذيرات التجميلية و هو عن مادة الكبريتات المعروفة بالسالفيت
ماهي مادة الكبريتات
مادة الكبريتات أو السالفيت هي مادة كيميائية جدا رخيصة تعمل على التنظيف بشكل فعال، بمعني أصح أن جزيئات الكبريت لها القدرة على جذب الزيوت و الماء بنفس الوقت وهون بتيجي أكبر أضرار الكبريتات اللي رح نحكي عنها بالتفصيل
أضرار السالفيت
أهمها هو الجفاف لأنه يعمل على ازالة الزيوت الطبيعية و اللي موجود فيها سبحان الخالق بروتينات لها فعاليه مضادة للبكتيرتا، يعني بتجرد الشعر من الطبقة الحامية و بالتالي تصبح الشعرة مكشوفة للأضرار البيئية
الشعرة بها طبقة خارجية تشبه بشكلها نفس حراشف السمك و اللي دورها تحمي خلايا الشعر، بالأحوال الطبيعية هاي الحراشف بتكون مسكرة لكن بسبب السالفيت و أنه بيزيل زيوت الشعر الطبيعية فهو بيفتح الحراشف وهيدا الشي بيسبب ان الشعر يكون هايش، يتقصف بسرعة، وباهت
هل لاحظتي أن شعرك يطول لينشف، هيدا كمان بسبب الكبريتات، لأن الحراشف لما تكون مفتوحة فالشعر بيتشرب ماي و هيدا بيجعل عملية تجفيفة تاخد ضعف الوقت المعتاد
كم مرة استخدمتي مصفف الشعر و لقيتي ان شعرك عم يوقف كأن فيه كهرباء، هيدا بسبب الشحنات السالبة اللي بيتركها الكبريت على شعرك، و عشان تروح الشحنة السالبة لازم تستخدمي بلسم شعر يحتوي على مادة السيليكون، اللي هي أيضا من المكونات اللي مفروض نتجنبها عند اختيار بلسم الشعر
تحسس فروة الرأس و الحكة هو ضرر أخر لاستخدام الشامبوهات اللي تحتوي على الكبريت، لأن بعد ما يتجرد الشعر من الطبقة الحامية للشعرة و تنفتح حراشفة، بيكون معرض أكبر للمواد الكيميائية بمستحضرات الشعر و أيضا يتضرر بشكل أكبر مع استخدام مصفف و مملس الشعر
الاحتياط واجب
مع ان ممكن تلاقوا كثير شامبوهات مكتوب عليها تخلو من الكبريت، الا ان هاي خليني اسميها لعبة تجارية، لأن هم يمكن شالو الكبريت لكن حطوا المشتق تبعه لهيك لازم تتأكدوا من خلو الشامبو تبعكم من أي من الأسماء التالية
أفضل أنواع الشامبوهات التي تخلو من مادة الكبريت
واحد: شامبو كيراستاز و هو أفضل أنواع الشامبوهات على الأطلاق و يتواجد فقط في مراكز التجميل الفاخرة أو المتواجدة بالفنادق
اثنين: شامبو لوريال
ثلاثة: شامبو بنانا بنانا من ذا بودي شوب
أربعة: شامبو أجادير متوفر بالجمعيات
خمسة: شامبو هيربال اسينس متوفر بالسوبرماركت والجمعيات
وبهيك نكون وصلنا مع بعض لنهاية الموضوع
وبالنهاية أتمني الفائدة تعم على الكل، ولكم مني كل الحب و الأحترام
أختكم ميثاء عبدالجليل