عشر خطوات سهلة لتكوني بأجمل اطلالة أثناء الحمل

December 19, 2017

كيفكم يا حلوات؟ في بعض العادات أنا شخصياً لا أتفق معها لكن طبعاً كل حد فينا حر في اعتقداته ومثل هالاعتقادات ان السيدة لازم تهمل بحالها وبشكلها لحتى بعد الأربعين وأنا لا أتفق مع هيدا الشي والسبب هو أن السيده تستحق أنها تهتم بحالها و بجمالها بكل وقت وبأي مناسبة بشوف كثير من البنات بيهملوا حالهم في آخر شهور الحمل و بيجي وقت الولاده و تضل تقنع نفسها أنه رح تهتم بحالها بعد الولادة و الأصح بنظري أنك تكوني جاهزة لأسعد لحظة بحياتك وهي استقبال مولودك بأحلى طله ومظهر و أنا ما عم بحكي عن المكياج أنا عم أحكي عن العناية بالشعر والجسم و البشرة

 

الروتين المناسب للمرأة الحامل  

  1. مع تلاعب هرمونات الحمل رح تلاقي تغيير ملحوظ في طبيعة بشرتك لكن السائد عند الكل هو كثرة الرؤوس السوداء لهيك سوي فيشيل ولو بالبيت حتى تعيدي الإشراق والمظهر النضر لبشرتك ورح أتركلكم طريقة تنظيف البشرة بالفيديو بالاسفل 

  2. لأن بيصير في زيادة بالوزن عند أغلب لو مو كل السيدات و بيصير في ثنيات يتجمع فيها العرق والجلد الميت فقومي بالاستحمام يومياً ومرة بالشهر استخدمي مقشر للجسم بشكل جدا خفيف وكمان مو ضروري تشتريه من بره فيكي تخلطي بودرة قشور البرتقال المجفف والمطحون مع زيت جونسون أو زيت اللوز الحلو أو زيت الأرجان و تستخدمي الخليط لعمل التقشير

  3. لا تهملي الشعر الغير مرغوب فيه أبداً، قومي بإزالة الشعر الغير مرغوب فيه بالجسم والوجه بشكل شهري

  4. الكثير من السيدات يعانون من احتباس الماء داخل القدمين و لهيك أنصحك بالجلوس مع رفع القدمين و بوضع قدميك بشكل يومي في ماء وملح و استخدام الحجر الخاص بالقدمين مرة بالشهر للتخلص من الجلد الميت

  5. لا تهملي أظافر اليدين وترطيبهم، أصنعي مزيج من زيت الزيتون و زيت الفيتامين إي و زيت الجوجوبا و زيت اللافندر و ادهني بهم الجلد المحيط بالأظافر كل يوم قبل النوم

  6. أرتدي الشورتات القطنية لتجنب اسمرار المنطقة بين الفخدين أثناء الحمل

  7. قومي بزيارة الصالون على الأقل مرة كل شهرين للحصول على جلسه مانيكير وباديكير

  8. شعرك تاج جمالك لا تهمليه ولا تتركي الشعر الأبيض ظاهر تخوفاً من الصبغة، يمكنك استخدام الصبغات العضوية المتوفرة بالصيدليات من دون أن تسبب أي ضرر على الجنين و قومي بقص الأطراف المتقصفة من شعرك وقت الحاجة

  9. ادهني البطن بزيت جوز الهند العضوي يومياً لتجنب حدوث تشققات بالجلد

  10. يمكنك استخدام زيت جوز الهند العضوي كماسك لتقوية و تطويل شعرك أثناء الحمل فهو آمن 100%

 

مع تحياتي لكم

أختكم ميثاء عبدالجليل

لا تنسوا تتابعوني على حساب الانستغرام

Maitha_abduljalil

والسناب شات

maithaabduljali

 

 

 

 

 

 

 

 

 

 

Please reload