الموضوع اليوم بنات ضروري كثير تعرفوا عنه لأنه معاناه عند كثير من البنات و أنا ما عم أحكي عن التقلبات المزاجية و لا الإحساس بعدم الراحة.. أنا عم أحكي عن الألام اللي ممكن توصل أحياناً أن تروح البنت للمستشفى عشان تاخد إبرة مسكن واليوم رح أتناول معكم أهم الطرق الطبيعية اللي فيكم تعملوها لحتى تخففوا من آلام الدورة الشهرية
١- التدفئة:
أهم شي بفترة الدورة الشهرية هو أنك ما تتعرضي للبرودة و تضلي مدفية حالك و لو حسيتي بوجع استخدمة قربة ماء ساخن بشكل متكرر لحتى يخف الوجع
٢- المسكنات:
استخدمي أي مسكن بمجرد ما تحسي بالوجع وما تنتظري لحتى يزيد عليكي
٣- الأعشاب الطبيعية:
فيكي تستفيدي من البابونج، الميرمية، الشمر، القرفة و طبعاً تسوي كل مشروب ساخن على حده عشان طعمه يكون مقبول و حليه بالعسل الطبيعي
نصيحة: القرفة و الميرمية هم الأفضل
٤- تناول أطعمة تحتوي على المغنسيوم:
المغنسيوم بيخفف من انقباضات الرحم بشكل كبير و بالتالي بيقلل الألم لهيك في أيام الدورة الشهرية أعتمدي تناول أطعمة غنية بالمغنسيوم مثل حبوب السمسم، السبانخ، الموز، الجوز، اللوز، الأرز، المأكولات البحرية بأنواعها
٥- النوم:
من أهم أسباب الألام هو الأرهاق لهيك أتأكدي أنك عم تنامي على الأقل ٨ ساعات متواصلة يومياً
٦- زيت اللافندر:
دلكي بطنك وظهرك بزيت اللافندر بشكل دائري لأنه بيعمل على تسكين الألم
٧- النشاط الجسدي:
المشي يا بنات من أهم التمارين اللي ممكن ممارستها لتخفيف الألم و أنا ما عم أحكي عن مشي ساعات لا نص ساعة تكفي بس عشان تحركوا الدورة الدموية و تساعدوا على أرتخاء العضلات المتشنجة
٨- التمر:
التمر غني بالفسفور والكالسيوم و الحديد و المغنسيوم و الصوديوم و الكبريت و الفيتامينات و هو كثير مفيد لعلاج الإضطرابات النفسية اللي بتحدث قبل الدورة الشهرية و بيخفف الآلام بنفس الوقت لهيك أحرصي على تناول ٣ أو ٧ تمرات يومياً
ما تنسووا تتابعوا قناتي على اليوتيوب
https://www.youtube.com/user/maithaabduljalil
وحساب وصفات الجمال على الانستغرام
maitha_abduljalil
وحساب وصفات الطبخ على الانستغرام
maitha_cooks
والسناب جات
Maitha abduljali
أختكم ميثاء عبدالجليل
#الدورةالشهرية #البيريود #الطمث #ألم #آلام #الآلام #الألام #طمث #تخفيف #التدفئة #القربة #المسكنات #الأدوية #الأعشابالطبيعية #الميرمية #القرفة #البابونج #الشمر #الموز #الجوز #اللوز #المأكولاتالبحرية #السبانخ #حبوبالسمسم #التمر #المغنسيوم #النوم #زيتاللافندر #التدليك #المساج #النشاطالجسدي #الرياضة #المشي #رياضةالمشي #ميثاءعبدالجليل #ميثاءعبدالجليل