الأكل العاطفي وكيفية التعامل معه

December 22, 2017

 مرحبا صبايا اليوم رح نحكي عن الأكل العاطفي وكيف نقدر نتعامل مع هيدي المشكلة اللي تعد من أهم أسباب زيادة الوزن

 

شو هو الأكل العاطفي

هو اكل كمية كبيرة من الأكل عشان نخفف من التفكير السلبيى أو المشاعر السلبية اعتقاداً منا ان الأكل رح يخفف من هاي المشاعر، و على فكرة يا بنات هيدا الموضوع نفسي بحت وهيدا الكلام عن تجربة شخصية

بالاضافة لهيك فكمان الضغوط اللي بنتعرض لها بشكل يومي بالشغل، أوقات الامتحانات، زحمة الطرق، كثرة المهام المنزلية، الإرهاق، عدم النوم لساعات كافية، كل هيدا كمان بيسبب التعب والاجهاد النفسي قبل الجسدي و هو السبب اللي بيخلي الكثير من البنات يتوجهوا للأكل حتى لو مو جوعانين

 

الآثار السلبية للأكل العاطفي

باختصار رح يخليكي تزيدي بالوزن و ما تحمله هالكلمتين من آثار سلبية على نفسيتك لأن أكيد ما رح تكوني راضية عن مظهرك و آثار جسدية لأن السمنة ممكن تسبب الكثير من الأمراض

 

الاستراتيجية اللي بتبعها شخصياً لمواجهة الأكل العاطفي

 

١- النوم لساعات كافية يومياً

٢- تنظيم حياتك اليومية في دفتر مع سرد المهام اللي مفروض تنجزيها باليوم مع ترقيمهم من ١ إلى المهمة الأخيرة حسب الأهمية بحيث لو ما قدرتي تخلصي كل المهام ممكن تأجلي الأقل أهمية لثاني يوم ولا تنسي لا يكلف الله نفساً إلا وسعها

٣- تعاملي مع المشاكل بتفكير ايجابي وحاولي أن تتخلصي من السلبية ورح أتكركلم رابط الفيديو اللي حكيت فيه عن كيفية التعامل مع المشاكل بايجابية 

 

 

٤- حاولي تنظيم وجباتك اليومية لخمس وجبات صغيرة بفارق ٣ ساعات كحد أقصى بين الوجبة و الثانية

٥- اشربي كمية كافية على الأقل ٢ ليتر يومياًً

٦- اتجنبي تواجد الأكل الغير صحي حولك

٧- لو كنتي مضايقة أو حاسة ان بدك تاكلي حاولي تقطعي كميات كبيرة من الخيار والخس وتاكليها رح تحسي بالشبع و رح توهمي المعدة انك أكلتي كمية كبيرة

٨- لو حسيتي ان بدك تاكلي شي حلو فحاولي تشبعي رغبتك بقطعة بسكوت حلو مخصص للريجيم مثل دايجستيف الأزرق اللي سعراته قليلة

٩- لو حسيتي ان بدك تاكلي شي مالح فحاولي تشبعي رغبتك بقطعة بسكوت مالح مخصص للريجيم يعني باختصار حاولي تشبعي رغبة الأكل بشي صحي 

  

 

اتذكري ان انتي بس القادرة على مواجهة عادات الأكل الغير صحية و كل اللي ذكرته هي اشياء انا اعتمدها شخصياً عشان اتعامل مع الأكل العاطفي

ما تنسوا تتابعوني على الانستاغرام

maitha_abduljalil

وعلى السناب شات

maithaabduljai

أختكم ميثاء عبدالجليل

Please reload