• ميثاء عبدالجليل

أظافر قوية و بتطول بسرعة


قبل تقريباً اسبوعين نزلت فيديو عن الأظافر بقناتي عن اليوتيوب و موضوع الفيديو كان عن غرائب و عجائب صيحات تركيب الأظافر بس اللي لاحظته بالتعليقات ان كتير منكم يهتم بالأظافر أنا شخصياً بركب على طول أكريلك بحكم شغلي لازم تكون أظافري دايماً مرتبة يعني ما بقدر حط حالي في موقف ان المانيكير يقشر أو أظافري تتكسر لهيك من ٨ سنوات و انا مركبة أكريلك طبعاً بعمل كل شهر مرتين تعبئة لكن هيدا ما يعني ان في جعبتي :) الكثير من النصائح عن الأظافر وكيف تقويتها و تطويلها المهم ياللا ندخل بالموضوع

النصيحة الأولى: قللي تعرض أظافرك للماء

يعني بيكفي بس نغسل أيدنا أو نتحمم أو نتوضأ بس حاولي غير هيك ما تعرضي أظافرك للماء يعني لما تغسلي الصحون لازم تكوني لابسة قفازات لتحمي مو بس أظافرك كمان أيدك و كل ما قللتي تعرض أظافرك للماء كل ما قلت نسبة تكسرهم و كانت أقوى

النصيحة الثانية: شرب ٨ كاسات ماء يومياً

لما بتشربي ماء كافي يومياً فجسمك بشكل عام بتتحسن وظائفة و كمان الأظافر و رح تلاحظي هيدا الشي

النصيحة الثالثة: قص الأظافر الضعيفة

هون بدي ألقي الضور على نقطة كثير مهمة و هي ان البنات بيفكروا ان الأظافر الضعيفة ممكن تقويتها و هيدا غلط بالعكس الأظافر اللي بتطلع جديد هي اللي رح تكون قوية لهيك كل ما تطول أظافرك قصيها

النصيحة الرابعة: استخدمي زيت للجلد المحيط بالأظافر كل يوم بالليل

فيكي تستخدمي الزيوت المخصصة لهيدا الشي او تستخدمي أي نوع من أنواع الزيوت و أنا بفضل زيت الأرجان

النصيحة الخامسة: ماسك يومي

الليمون و ما أدراكم ما الليمون و تأثيره على الأظافر رح تدعولي يا بنات، كل يوم أمسحي أظافرك بالليمون و خليه عالأقل ١٠ دقايق

النصيحة السادسة: ماسك الزيت الأسبوعي

مرة بالأسبوع أنقي أظافرك بالزيت الدافئ لمدة ١٠ دقائق وفيكي تختاري ما بين زيت الزيتون، زيت جوز الهند، زيت الأفوكادو، و زيت الخروع

النصيحة السابعة: تجنبي تعرض أظافرك لأي من المواد الكيميائية

أظافرك أكثر شي بيتعرض للمواد الكيميائية لهيك تجنبي تلامس المنظفات نهائياً

أتمنى موضوعي اليوم عجبكم حبيباتي

أختكم ميثاء عبدالجليل

ما تنسووا صبايا تزوروا الجاليري تبعي اللي بحطلكم فيه كل المنتجات اللي بستخدمها لعنايتي ببشرتي

https://dermame.com/ae_en/gallery/maitha-abduljalil.html

خصم ١٥٪استخدموا الكود (كل الحروف كابيتال)

MAITHA2018

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maithaabduljali

#العنايةبالأظافر #أظافرطويلة #أظافرقوية #تطويلالأظافر #تكسرالأظافر #ميثاءعبدالجليل #ميثاءعبدالجليل #mathabduljalil #tips #forlongernails #forstrongernails