• ميثـاء عبد الجليل

كل ما تحتاجين معرفته عن الكونسيلر وحلول لأكثر أخطاء الكونسيلر شيوعاً


كيفكم حبيباتي، اليوم رح أحكيكم عن الكونسيلر بالتفصيل وان شاء الله المعلومات اللي رح أقدمها لكم تكون وافية و كافية، وقبل ما أبتدي رح خبركم عن قاعدتين جدا مهمين لازم تحطوهم ببالكم وهم

  1. اللون الفاتح دايماً بيوضح ويبين ويضوي، أما اللون الداكن بيخفي

  2. يمكن تصحيح أي مشكلة بلون البشرة لكن ما يمكن أبدا ان الكونسيلر يصلح مشكلة في قوام البشرة

مثال: يمكن اخفاء لون الحبه لكن لايمكن اخفاء بروزها عن مستوى سطح البشرة

شو هوالكونسيلر؟

الكونسيلر هو عبارة عن مصحح لون يتوفر منه درجات مختلفة نفس كريم الأساس من حيث الدرجات ويستخدم لتغطية المشاكل بالبشرة وبيتوفر كمان ألوان ثانية مصححة للون البشرة مثل البرتقالي، البنفسجي، الأحمر و تسمى ألوان الكوموفلاج و رح نحكي عنها بموضوع منفصل ان شاء الله

كيفية اختيار الكونسيلر من حيث اللون ،القوام والأندرتون؟

اللون

عشان تختاري لون الكونسيلر الصح لازم أول شي تسألي نفسك ليش بدك تستخدميه؟ هل بدك تستخدميه عشان تغطي مشكلة من مشاكل البشرة أو لحتى تضوي البشرة

بحال كانت اجابتك تغطية مشاكل البشرة فلازم تختاري نفس لون بشرتك لأن لو أخترتي درجة فاتحة رح تبرز المشكلة وما رح تخفيها، وللأسف هيدا اللي بشوف كثير من البنات بيعملوه

أما لو كانت اجابتك هي لإضافة البشرة بأماكن معينة فهون لازم الكونسيلر يكون أفتح عن لون بشرتك بدرجتين فقط لو أكثر من هيك ما رح يعطي نتيجة حلوة و رح تبين مثل هالة من البياض في المنطقة اللي حطيتها عليها الكونسيلر

القوام

الكونسيلر يتوفر بالأسواق بأشكال مختلفة، بيجي مثل القلم أو في عبوه أو على شكل أنبوب أو على شكل ستيك ورح تلاحظي أن كل نوع له تغطية مختلفة عن غيره

إذا كانت بشرتك من النوع الدهني أو المختلطة أو فيها تجاعيد ما تستخدمي الأنواع الثقيلة اللي تيجي على شكل كريمي القوام مثل الستيك أو الأقلام أو الكريم السميك، والأفضل تستخدمي النوع اللي يجي على شكل سائل والنوع المفضل عندي شخصيأ هو ديور ونارس من البراندات الهاي اند أو مايبيلين من براندات الدراج ستور

أما اذا بشرتك جافة فيكي تستخدمي الأنواع الكريمية و الستيك و الأقلام و لكن بحال استخدمتي الأنواع السائلة رح تلاقي ان بشرتك بسرعة أمتصته وما عطاكي التغطية اللي بدك ياها

أما اذا كانت بشرتك عادية ففيكي تستخدمي أي نوع

الأندرتون

الأندرتون معناه هو قاعدة لون الكونسيلر يعني رح تلاقي ألوان كونسيلر مايله على وردي و ألوان ثانية مايله على أصفر

لازم تختاري قاعدة اللون الصح عشان ما يتأكسد معك ولا يقلب على رمادي، لو بشرتك دافية و هي تقريبا 99.9% من البشرة العربية فلازم الكونسيلر يكون مايل على صفار ولو بشرتك بارده فلازم يكون قوام اللون وردي و بشكل مختصر البشرة البارده بشكل عام هي بشرة فاتحة تميل لللون الوردي

أكثر أغلاط الكونسيلر شيوعا

الكونسيلر عم يخطط معي؟

هيدا لأنك اخترتي قوام ما بيناسب بشرتك، أو حطيتي كمية كبيرة منه، أو ما ثبتيه بالبودرة الحرة بطريقة صحيحة، شوفوا الفيديو هيدا رح يفيدكم في طريقة تثبيت الكونسيلر

بستخدم اللون المناسب والقوام المناسب من الكونسيلر لكن بيقلب رمادي أو رصاصي بعد فترة؟

هيدا لأنك بتستخدمي أندرتون غلط يعني البشرة الدافية لازم يكون الكونسيلر لها مايل عصفار والبشرة الباردة لازم يستخدموا كونسيلر مايل على وردي، كمان شوفوا هيدا الفيديو رح يفيدكم

الكونسيلر ما بينفرد معي صح؟

استخدمي اسفنجة بيوتي بليندر أو اسفنجة ريل تكنيك رطبة لفرد الكونسيلر رح تلاحظي ان بينفرد أسرع و بطريقة صحيحة، و السبب اللي ورا ان الاسفنجة لازم تكون مبللة هو أن لو أستخدمنا الأسفنجة جافة رح تمتص الكونسيلر بدل ما تفرده

#الكونسيلر #أخطاء #الأندرتون #كريمالأساس #ماهوالكونسيلر #تغطيةالحبوب #تغطيةالتصبغات #الكوموفلاج #كيفية #اختيار #قوامالكونسيلر #أنواعالكونسيلر #الستيك #القلم #كونسيلروردي #كونسيلرأصقر #حلولتجميلية #ميثاءعبدالجليل #الطريقةالصحيحةلوضعالكونسيلر #تعليممكياج #ماكياج #ميكب #تعليم #دروس #مكياجللمبتدئات #مبتدئات #خطوةبخطوة

239 عرض