• ميثـاء عبدالجليل

تخسيس دهون الرقبة ( الذقن المزدوج ) بوصفات منزلية


مرحبا يا حلوات كيفكم؟ اليوم رح أحكيلكم عن مشكلة تجميلية ما بتعرف لا كبير و لاصغير و لا ضعيف و لا متين وهي تراكم الدهون بالرقبة أو اللي بيطلق عليه الذقن المزدوج

سبب المشكلة الأساسي هو الوراثة بعرف كلكم هلا بتحكوا يعني ما لاقينا نورث الا ها الشي المهم ما تقلقوا لأن الحلول موجودة بس قبل ما ننتقل لها كمان حابة قلكم ان زيادة وزن الجسم هو من أهم الأسباب اللي بعد الوراثة، يعني باختصار الدهون ما رح تروح و تستريحي منها الا لو خسيتي بشكل عام و باقي الطرق هي مجرد عوامل مساعدة لكن الحل الأساسي بأيدك فشدي حيلك و ابتدي بخسارة الوزن

خطوات التخلص من الذقن المزدوج:

أولا: التمارين الخاصة لتنحيف منطقة الرقبة

  1. حطي برتقالة تحت الفك واضغطي عليها براسك لتحت لمدة 10 ثواني سوي هالتمرين يومياً لا يقل عن 3 مرات وكل يوم لتوصلي للنتيجة اللي بدك ياها

  2. ابتسمي بشكل عريض مع تسكير الأسنان بشكل متطابق و شد عضلات الرقبة و تسويه بنفس مدة و عدد التمرين الأول

  3. أمضغي علكة طول اليوم و طبعا لازم تكون خالية من السكر، هيدا الشي بيخلي عضلات الرقبة على طول عم تشتغل

ثانياً: ماسك مرتين بالاسبوع يترك على البشرة لمدة 40 دقيقة ثم يغسل ومكوناته هي مزيج من

  1. بياض بيضتين

  2. ملعقة كبيرة حليب

  3. ملعقة كبيرة عسل، وعصير ليمون

  4. كم نقطة من زيت النعناع و هو كثير ضروري لا تستهيني فيه و تعملي الماسك من غيره

ثالثاً: زيت جنين القمح، جربوه ورح تدعولي بنات حطوه على الرقبة كل يوم قبل النوم، كم نقطة و سووا مساج

وطبعاً كل اللي ذكرته رح ياخد وقت لتشوفي النتيجة و إذا بدك حل سربع ففي العمليات الجراحية اللي صارت جدا بسيطة مثل شفط دهون الرقبة و اللي تنعمل من خلال فتحة جدا بسيطة من خلالها تنشال الدهون

اتمنى يكون الموضوع فادكم حبيباتي

أختكم

ميثاء عبدالجليل

#تخسيس #الذقنالمزدوج #دهونالرقبة #دهونالذقن #زيادةالوزن #تمارينالرقبة #ماسك #وصفاتمنزلية #ماسكمنزلي #ماسكاتمنزلية #قبلوبعد #عمليةشفطالدهونمنالرقبة #أسباب #علاج #طرق #طريقة #زيتجنينالقمح #زيتالنعناع #للتخسيس #لتخسيس