• ميثاء عبد الجليل

طريقة فعالة للتخلص من الماء المحتبس بـ الزنود


مرحبا صبايا... كيفكم

اليوم حبيت أنزلكم موضوع أكيد كثير منكم رح يستفاد منه و هي طريقة لف الجسم للتخلص من شكل اليد أو الزنود الكبيرة، طبعاً المفهوم الشائع الخطأ أنه هالطريقة بتساعد على التخلص من الدهون فور الاستخدام لكن في الواقع هي بتخلصنا من احتباس الماء تحت الجلد لهيك بنشوف النتيجة واللي هي حجم أقل و بيدوم المفعول من يوم ليومين لكن بيرجع الجسم مثل قبل بعد انتهاء اليومين

طريقة لف الجسم كثير عمليه خاصتاً لو عندكم مناسبة وفيه لبس معين حابين تلبسوه وضيق عليكم، سووا الطريقة اللي رح أشرحلكم ياها لحتى تلبسوا لبسكم بكل رياحة و طبعاً فيكم تعموا نفس الطريقة لكل الجسم مو بس للأيدين

الأدوات وفوائدها

ورق لف الأكل الشفاف و كل ما كانت جودته عالية رح يكون ثباته أحسن على الجسم

فيكس: فيه مكون رئيسي بيساعد على حرق الدهون و شد الجسم و ترطيب البشرة و شدها

تنويه: لو بشرتكم حساسة حاولوا تبديل الفيكس بالفازلين رح يعطيكم نفس النتيجه لكن الفيكس مع الاستخدام المستمر مرة بالاسبوع رح يعطي تحفيز بشكل أكبر لحرق الدهون المتراكمة

الخطوات

أولاً: أتأكدت ان البشرة نظيفة و جافة

ثانياً: أخدت القياس عشان نشوف النتيجة مع بعض و طلعت 30.5 سم

ثالثاُ: وضعت كمية وافرة من الفيكس وسويتلها مساج

ملحوظة: أثناء ال45 دقيقة حسيت ان البشرة فيها برودة عالية و هيدا شي طبيعي عشان الفيكس

رابعاً: لفيت الأيد بورق أكل شفاف باحكام، يعني شديت عليها

خامساً: رح خليه لمدة 45 دقيقة

سادساً: رح فك الورق الشفاف و اخد القياس و اللي طلع 29.5 سم

سابعاً: غسل الأيد من الفكس ووضع كريم مرطب أو فازلين اللي متوفر عندكم

وهاي النتيجة قبل وبعد

ان شاء الله الموضوع افادكم

لكم مني كل الحب و التقدير

أختكم

ميثاء عبدالجليل

#التخلصمنالدهونالمتمركزة #الدهونباليد #تخسيسالدهونبالايد #التخلصمنالدهونبمنطقةالزنود #التخلصمنالماءالمحتبسبالجسم #تراكمالدهون #الفكس #الفيكسللتخسيس #لفافاتالجسم #لفالجسمبالنايلون