• ميثـاء عبدالجليل

العلاج الجذري للندبات وآثار الحبوب


اليوم موضوعنا كتير أنطلب مني أني أحكي عنه و هو علاج حفر الوجة و آثار الحبوب أو الندبات

اليوم رح أطرح علاجين كتير مفيدين و اتمنى الفائدة تعم لكل الصبايا

العلاج الأول: جل طبي أسمه كونتراكتيوبكس تقدروا تشتروه من الصيدلية و هو صناعة ألمانية و سعرة جدا مناسب للجميع

مميزات الجل

يحتوي على 3 مكونات رئيسية

خلاصة البصل: مكون فعال ضد الالتهابات و يحول دون تكون ندبات جديدة

الهيبارين: يلين الندبات، مضاد للالتهاب، يرطب الجلد، و ينشط الدورة الدموية

الأنتونين: يزيد من تغلغل المكونات الفعالة إلى عمق البشرة، يساعد على إلتئام الجروح، و يخفف من الحكة

استخداماته

الندبات

آثار الحبوب

الحروق

وآثار العمليات الجراحية ( مثل أثر العملية القيصرية)

طريقة الاستخدام

أقل مدة للعلاج هي 3 شهور و يمكن الأستمرار باستخدامة لمدة سنة فهو آمن للاستخدام على المدى البعيد، يستخدم ما بين مرتين الي 3 مرات باليوم على أماكن الندبات أو آثار الحبوب فقط وليس على كل الوجه

أفضل وقت لاستخدام الجل

يفضل استخدامة بعد العودة من العمل أو الجامعة، وقبل النوم. يعني ما نتعرض للشمس ولو ضروري نتعرض لازم تحطوا واقي شمس أقل شي بنسبة حماية 50 و أنصح

بماركة فيتشي

مين يقدر يستخدم جل كونتراكتيوبكس

مناسب لكل أنواع البشرة و أنصح فيه من عمر ال 18 ، لكن ما أنصح فيه للحوامل أبدا

النتائج

اذا كانت الندبات أو الآثار جديدة فتوقعي أنك تشوفي نتيجة بعد اسبوع ولكن استمري عليه لحتى تتخلصي تماما من المشكلة، أما إذا كانت قديمة فرح تاخد وقت وأهم شي الصبر لأن النتائج مضمونة

آثار جانبية

يسبب حكة و أحمرار بالجلد و هالشي طبيعي رح يخف و لحتي تخففي من الحكة حطي دائما كريم مرطب بعد ساعة من وضع الجل، و أنصح بكريم بيبانثين

ومن الآثار الجانية أيضا هو تقشير الجلد و هيدا الشي طبيعي جدا فلا تقلقي بس رح يصير ببداية العلاج

تحذيرات الاستخدام

لا يستخدم على الجروح قبل التئامها

لا يستخدم على المنطقة المحيطة بالعين

لا يستخدم للحوامل

لا تستخدمي سنفرة أو مقشر للوجه مع استخدام الجل

العلاج الثاني: زيت جنين القمح متوفر عند العطارين و هو حل طبيعي

مميزات زيت جنين القمح

يحتوي على مجموعة كبيرة من الفيتامينات وأهمها فيتامين هـ المضاد للأكسدة، و فيتامين أ و د، استخدامه على البشرة لا يؤثر على الشعر و نموه فلا تقلقوا من هيدا الموضوع

استخداماته

يناسب حالة الندبات والأثار الخفيفة اللي ما تكون جدا عميقة

علامات التقدم بالسن خاصتًا الناتجة عن الإرهاق و جفاف البشرة

البشرة المجهدة، الباهتة

طريقة الأستخدام

يستخدم بعد غسل الوجه قبل النوم، مرة باليوم

مين يقدر يستخدم زيت جنين القمح

مناسب لكل الأعمار، رجال وسيدات، و لكل أنواع البشرة ما عدا البشرة الدهنية

الحوامل يقدروا يستخدموه فهو آمن للاستخدام

النتائج

رح تلاحظيها بعد الاستخدام الأول يعني البشرة رح تكون وردية و صحية، و بعد 10 أيام رح تلاحظي أن الندبات عم تخف وضلي استخدميه لحتى توصلي للنتيجة اللي بدك ياها

آثار جانية

ما اله أي آثار جانبية غير أنه ممكن يسمن الوجه و اللي ممكن كتير من الصبايا يعتبروه شي ايجابي مو سلبي

اللي بشرتها دهنية كيف تقدر تستخدمه

تقدري تستخدميه لكن بعد اتباع الخطوات التالية

استخدمي صابون الكبريت أو الكركم لغسل الوجه قبل وضع الزيت، حاولي حطي الزيت فقط على أماكن المشكلة ومو على كل الوجه

سوي سنفرة للوجه أقل شي مرتين بالاسبوع و أكثر شي ثلاث مرات بالاسبوع

ان شاء الله صبايا الموضوع فادكم و أتمني دعمكم للمدونة من خلال نشرها

لكم مني كل الحب و التقدير

ميثـاء عبدالجليل