• Maitha Abduljalil

كل ما تحتاجين معرفته عن البشرة المختلطة


مرحبا صبايا اليوم رح يكون موضوعنا عن البشرة المختلطة و رح نحكي عن أهم النقاط اللي لازم نحطها بعين الاعتبار لحتي نقدر نتعايش مع بشرتنا بشكل أكثر سلاسة

البشرة المختلطة حالة جلدية

بالبداية لازم نعرف ان البشرة هم ثلاث أنواع فقط هم الجافة، العادية، والدهنية لهيك ما بنشوف طفل عنده بشرة مختلطة و عموما بتصير البشرة مختلطة عند عمر المراهقة

اذا خلينا نتفق بالبداية ان البشرة المختلطة هو حالة جلدية أكثر من أنها نوع من أنواع البشرة

كيف نعرف ان بشرتنا مختلطة؟

البشرة المختلطة هي تجمع ما بين نوعين من أنواع البشرة وهو النوع الجاف والدهني، وعادتا بتكون جافة بكامل البشرة ما عدا منطقة التي زون ( وهي منطقة الجبهة الأنف وأحيانا الذقن) بتكون دهنية وهيدا الشي بيرجع الي وجود عدد كبير من الغدد الدهنية النشطة في منطقة التي زون مقارنتا ببقية البشرة

شو اسباب البشرة المختلطة؟

الأسباب تختلف من شخص لأخر لكن أهمها هو الوراثة واللي ما نقدر نتدخل فيه لكن السبب الثاني فهو طريقة عنايتنا الخاطئة بالبشرة بمعني انه نستخدم منتجات بتحتوي على مكونات تسبب الحساسية ، كردة فعل البشرة بتتفاعل مع هالمكونات لكن بطريقتها الخاصة فالأماكن اللي فيها غدد دهنية كثيرة بتبلش بإفراز دهون كردة فعل و الأماكن اللي فيها غدد دهنية أقل فبتصير جافة ولهالسبب نحن دايما بنحس بتغيير بالبشرة بمجرد ما نغير نظام عنايتنا بالبشرة

أختبار البشرة المختلطة

اغسلي وجهك و ما تحطي اي نوع من الكريمات أو المستحضرات عليه و بعد نص ساعة جيبي محرمة أو منديل و ضعيه بشكل متساوي علي البشرة و اضغطي عليه و من بعدها أنظري الي المحرمة أو المنديل لو لاحظتي وجود بقع دهون أو زيوت ببعض الأماكن بالمحرمة و بقية المحرمة جافة فمعناها بشرتك مختلطة

ما هو النظام الأفضل للعناية بالبشرة المختلطة؟

صباحًا

المنظف: منتجات مقترحة نختار نوع واحد فقط

تونك مقشر و جبتلكم نوع بيجنن ورح تدعولي على استخدامه بتجيبوه من امازون بس اللي بشرتهم حساسة أو تحت عمر ال 25 ما يستخدموه

مرطب: منتجات مقترحة نختار نوع واحد فقط

-واقي الشمس يوميا حتى لو ما رح نتعرض للشمس و يستخدم بعد الكريم المرطب

مساءا

تنظيف و نمسح الوجه بماء ورد

كريمات العناية الليلية: استخدام منتجات موضعية بمعنى على الأماكن الجافة نستخدم مرطب نفس اللي استخدمناه صباحا وعلى الأماكن الدهنية نستخدم كريم ريتين ايه لأنه يقلل من افراز الدهون بالبشرة و يعيد لها التوازن ويساعدنا على تجديد البشرة و الصراحة فوائدة لاتعد ولا تحصى و رح أحكي عنها في موضوع منفصل ان شاء الله

مكونات يجب تفادي وجودها بكريمات العناية بالبشرة

Alcohol, menthol, fragrance, citrus oil

الماسكات التي تساعد على أعادة توازن الدهون بالبشرة

أخترت لكم أفضل ماسكين و يفضل ان نحن نعمل ماسك فقط مرة وحدة بالاسبوع و يمكن كل اسبوع نغير نوع الماسك يعني مرة ماسك البقدونس و الاسبوع اللي بعده ممكن نعمل ماسك البطاطس

أولا: ماسك البقدونس

حزمة بقدونس تضرب بالخلاط وتصفي للحصول على ماء البقدونس فقط، ناخد 2 معلقة كبيرة من ماء البقدونس و ان تبقت عندنا كمية ممكن نخزنها في الثلاجة لنستخدمها بعدين

نخلط ماء البقدونس مع معلقة طعام عسل و يوضع الماسك على البشرة لمدة 20 دقيقة ويشطف بالماء البارد

ثانيا: ماسك البطاطس

نهرس حبة بطاطس صغيرة فرش مع 2 ملعقة طعام من الروب أو الزبادي مع 1 ملعقة طعام من النشا و 3 ملاقع طعام من دقيق الذرة و ¼ ملعقة صغيرة من زيت الزيتون مع 4 ملاعق كبار من ماء الرز، يوضع الماسك على الوجه لمدة 10 دقائق و يشطف بالماء البارد

ماء الرز ممكن الحصول عليه بعد نقع كمية قليلة من الرز المصري بالماء طول الليل و من ثم الحصول على ماء الرز

أفضل 5 كريمات أساس تناسب البشرة المختلطة

Smash box camera ready BB water

Neutrogena healthy skin liquid makeup SPF20

Tarte Amazonian clay full coverage foundation SPF15

Revlon colorstay foundation combination/oily

Estee lauder double wear stay in place foundation

Giorgio Armani Maestro fusion

مع تحياتي وخالص تقديري

ميــثاء عبدالجليل