• ميثاء عبدالجليل

كيف تكوني جميلة طول الوقت


طبعاً أنا متأكدة أنكم بس تقروا العنوان رح تفكروا اني رح أحكي عن ماسكات و مكياج لكن أنا رح أتكلم معكم عن جمالكم الداخلي اللي رح ينعكس على مظهركم الخارجي

١- الثقة بالنفس:

هي أهم وأول خطوة لحتى تقدري تكوني جميلة و هي من خلال الاحساس والاقتناع بهيدا الشي، و عشان تقدري تسوي هيدا الشي بدي ياكي توقفي على المراية و على غير العادة ما بدي ياكي تشوفي أو تعلقي عن الأشياء السلبية بدي ياكي تعددي الأشياء الإيجابية و الجميلة فيكي و رح تتفاجأي لما تعملي هيدا الشي لأنك على الأكيد رح تكتشفي أن عدد الأشياء الجميلة أكثر بكثير من الأشياء السلبية أو اللي ما بتحبيها بحالك

٢- الاستحمام اليومي مع مغطس ماء حار اسبوعي

طبعاً هلا رح تقولوا ما أنا عم أتحمم كل يوم، لكن سؤالي هل عم تعملي هدف لإلك من الاستحمام غير النضافة الشخصية؟ شو رأيك أنك تجربي تعملي طقوس للاستحمام بحيث أنك تقنعي نفسك أنك مع الاستحمام عم تتخلصي من كل المشاعر السلبية و من كل المشاكل و اعتبري ان مع الاستحمام بلشتي يومك بسعادة وراحة

حسي بالماي و هي بتلمس جسمك و أتنفسي تنفس عميق ٧ مرات بحيث تاخدي شهيق من الأنف و زفير بطئ من التم و بس تجربوا رح تحسوا براحة وأنا متأكدة بس أنتوا اللي عليكم تعملوه هو أنكم تجربوا

٣-كوني نفسك

من أكثر الأشياء اللي ممكن تأثر سلباً على ثقتك بنفسك و بالتالي بتأثر على مدي الشعور بجمالك هو التقليد الأعمى يعني تحاولي تقلدي حد سواء بالشكل أو بالتصرفات، وأعرفي أنك عم تضحكي عحالك لأنك بالأخير أنت ما رح تكوني الا انت، فاشعري بالفخر بذاتك وبطبيعتك وبجمالك

٤-حددي أهدافك

التفكير الايجابي و تحديد هدف بالحياة مهم بيحسسك أنك شخص مهم و له دور فعال و الهدف ممكن يكون نجاح ممكن يوم انك تربي أولاد صالحين ممكن يكون أنك تساعدي الناس ممكن يكون رضاء الوالدين ممكن يكون أي شي

٥- ابتعدي عن الأشخاص السلبيين

أبني دائرة معارف ايجابية و حتى لو عندك حد قريب منك سلبي ما بتقدري تبعديه عنك حاولي تخلي حدود بالتعامل و لا تنسي ان الحياة ميزان فرجحي كفة عدد الناس الايجابيين بحياتك على كفة عدد الناس السلبيين

٦- رضا الناس غاية لا تدرك

أتذكري ان لو كنتي ببيتك الناس رح تحكي ولو طلعتي الناس رح تحكي و لو بكيتي الناس رح تحكي ولو ضحكتي كمان الناس رح تحكي فشيلي الناس من بالك كلياً و خلى مقياس تصرفاتك أنت يعني أنت بس اللي فيكي تعرفي لو هيدا التصرف صح أو غلط فأعملي اللي أنت مقتنعة فيك دامك عارفة أنه صح و حتى لو طلع بعدين غلط ما رح تكوني خسرتي أبداً بالعكس رح تكوني اكتسبتي تجربة رح تقويكي أكثر و رح تثقل أفكارك و تصرفاتك فالفشل هو باب مفتوح لفرص جديدة

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maitha abduljali

أختكم ميثاء عبدالجليل

#الثقةبالنفس #كيفتكونيجميلة #٦خطوات #الجمال #الداخلي #الخارجي #تقديرالذات #الاستحمام #مغطسدافي #التقليد #الأهداف #تحقيقالأهداف #رضاالوالدين #السلبية #الإيجابية #الأشخاصالسلبيين #الأشخاصالإيجابيين #كيفيةالتعامل #رضاالناسغايةلاتدرك #الفشلهوبابمفتوحلفرصجديدة #ميثاءعبدالجليل #ميثاءعبدالجليل