• ميثاء عبدالجليل

سكراب للوجه بالكيوي كثير حلو يا بنات لازم تجربوه


ما في شي أحلى بالنسبة لي من أني أعمل خلطاتي بنفسي خاصة السكراب أو التقشير الخاص بالوجه و يا سلام لما تكون مكوناته طبيعية، والسكراب اللي رح أعمله اليوم خفيف على البشرة لأن بذور الكيوي ما بتجرح الوجه يعني هيدا السكراب كل البنات يقدروا يستخدموه لأنه مناسب لكل أنواع البشرة وطبعاً فوايده واااو لأنه بيقشر الجلد الميت، بينعم البشرة، و بيحافظ على شباب البشرة لأن المكون الرئيسي فيه هو الكيوي و طبعاً هو غني بالفيتامينات و المكونات المضادة للأكسدة و بيمنع ظهور علامات التقدم بالسن

المكونات

نص كوب سكر أبيض

٢ م ص زيت جوز الهند العضوي أو زيت الزيتون

حبتين كيوي مقشرين

الطريقة

قطعي الكيوي شرائح و شيلي الجزي القاسي اللي بالنص

أهرسي الكيوي بالشوكة بس شوي شوي عشان ما تكسري البذور السودا اللي بدنا ياها

أخلطي الزيت مع السكر وبعدين ضيفي الكيوي

ضعي المقشر ببرطمان و استخدميه من مرة لمرتين بالاسبوع

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maitha abduljali

أختكم ميثاء عبدالجليل

#العنايةبالبشرة #سكراببالكيوي #فوائدالكيوي #للبشرة #كيفيةصنعسكرابمنزلي #سكرابللوجه #العنايةبالوجه #الجلدالميت #تجديدخلاياالبشرة #سكرأبيض