سيروم بالقهوة لعينين من غير هالات سوداء أو انتفاخ

الهالات السوداء من أكثر المشاكل اللي لما بعاني منها بتسببلي عدم ثقة تام بمظهري لأن بيصير بدي استخدم طبقات كثيرة من المكياج لأخفيها و أنا بالأحوال العادية و بيومي الطبيعي اللي ما بيكون عندي فيه تصوير حلقات تليفزيونية ما بحط مكياج كثير يعني بودرة و بس و طبعاً لو عندي هالات ما بقدر أعمل هيدا الشي

بعرف احساس كل وحدة فيكم لما بتتطلع للمرايا و تشوف الهالات و كأنها كبرت ٢٠ سنة، المهم رح شارككم اليوم وصفة لسيروم منزلي فيكي تعمليه للتتخلصي من هاي المشكلة بس قبل ما أبلش بدي أطلب منكم ان لازم تعطوا السيروم وقته لا يشتغل يعني مو من أول اسبوع تحكي ما في نتيجة، أعطيه على الأقل شهر أوكي؟؟!!

المكونات:

نص كوب قهوة مطحونة (مو نسكافيه)

قطعة قماش مخصصة لتصفية القهوة

كل المكونات حطيتلكم رابطها بس أضغطوا على اسم المكون ليوديكم على أمازون

الطريقة:

جيبي مرطبان و حطي فيها القهوة المطحونة و حطي كمية من زيت اللوز الحلو كافية بس لتغطي القهوة

سكري المرطبان و أتركيه في مكان مظلم لمدة ٥ أيام

استخدمي قطعة القماش عشان تصفي الزيت من القهوة و حاولي تعصري القماش منيح عشان تحصلي على أكبر قدر ممكن من الزيت