• ميثاء عبدالجليل

أفضل ٥ زيوت لمحاربة علامات التقدم بالسن


طبعاً بعد سن الثلاثين كلنا بنبلش نشوف الخطوط التعبيرية و التجاعيد تحت العين و دايماً بنحتار كيف نختار الأفضل لنوع بشرتنا و يا ترى شو هي المكونات اللي رح تعطينا نتائج أفضل، اليوم أنا ما رح أحكي عن المكونات المصنعة مثل الأحماض و غيرها و لو حبيتوا بحكي عنها ببوست ثاني لكن حبيت أخصص هيدا البوست عن الزيوت العطرية الأفضل في محاربة علامات التقدم بالسن

١- زيت الجوجوبا

يعتبر من أفضل الزيوت ترطيب للبشرة لأنها تحتوي على الفيتامين E و المجموعة المركبة لفيتامين B وغيرها من المكونات المهمة للبشرة و له خواص مضادة لإلتهابات البشرة

من أهم الأسباب اللي تسبب ظهور التجاعيد خاصتاً المبكرة منها على البشرة هو جفاف البشرة و هون بيجي دور زيت الجوجوبا في تأخيرها لأنه بيرطب البشرة ترطيب عميق و فينا نستخدمه على البشرة، الجسم، والشعر

أكثر شي بيميز زيت الجوجوبا هو أنه ما بيسكر المسامات لهيك هو مناسب لكل أنواع البشرة

فوائد زيت الجوجوبا

يرطب البشرة

يستخدم في التخفيف من الأكزيما

يحمي البشرة من التحسس

يتحتوي على مضادات للأكسدة تقي من ظهور علامات التقدم بالسن و التجاعيد

يسرع من إلتئام الجروح

يحفز انتاج الكولاجين

يخلص البشرة من السموم

طريقة الاستخدام

يمكن استخدام زيت الجوجوبا لحاله أو عن طريق مزجه مع كريم الجسم، خلطات الشعر، ماسكات الوجه

٢- زيت بذور الرمان

من أقوى الزيوت اللي كثير منا ما بيعرف عنها لأنه يحتوي على البيوفلافانويد، يعتبر زيت بذور الرمان من الزيوت اللي تحمي البشرة من أشعة الشمس بنسبة وقاية ٨

طريقة الاستخدام

يمكن صنع مرطب للشفايف أو سيروم للوجه مع ادخال زيت بذور الرمان في تركيبته

٣- زيت اللبنان المر

اللي بيتاعبني بيعرف اني من عشاق اللبان المر و بعمل منه كثير أشياء ورح أتركلكم الفيديو الخاص باللبان المر اللي خسيت عليه كمان تقريباً ٢٠ كيلو تحت

المهم من أكثر استخداماته كزيت عطري هي توحيد لون البشرة، التخلص من الحبوب و من آثارها و بنفس الوقت بيحمي البشرة من علامات التقدم بالسن

٤- زيت اللافندر

من أهم الزيوت العطرية اللي لها افادة كتير كبيرةة على البشرة و بيتساعد على محاربة علامات التقدم بالسن، و لأنه بيحتوي على مضادات أكسدة و بيساعد الجسم على افراز أهم مضادات الأكسدة

للتخلص من البقع الناتجة عن التقدم بالسن أخلطي عدد من النقاط بالتساوي من زيت اللافندر و زيت اللبان المر و حطيه فقط على مكان البقع كل يوم قبل النوم

٥- زيت الروزهيب

يحتوي على نسبة مركزة من المكونات اللي تحارب علامات التقدم بالسن وأهمها فيتامين C ، لهيك هو بيحارب ظهور علامات التقدم بالسن من خلال تحفيز البشرة على تكوين كولاجين طبيعي

هلا صار عندكم فكرة واضحة عن أهم الزيوت اللي تدخلوا بماسكاتكم لو بدكم تتخلصوا من علامات التقدم بالسن أو تأخروا من ظهورها و أتمنى بنات من كل قلبي أن موضوع اليوم عجبكم

أختكم ميثاء عبدالجليل

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maitha abduljali

أختكم ميثاء عبدالجليل

#زيتالجوجوبا #اللبانالمر #اللبانالدكر #اللبانالذكر #زيتبذورالرمان #الزيوتالعطرية #زيتاللافندر #زيتالروزهيب #ترطيبالبشرة #تجاعيدالعين #بقعالبشرة #العلاماتالتعبيرية #التجاعيد #التجاعيدالتعبيرية #التخسيس #تونراللبانالمر